ИҢ КӰСТІГЛЕРІ МЕДАЛЬЛАР УТХАННАР
12.04.2017
Хабарлар
Ирткен тынағ кӱннерінде Ағбанда 24 № школада Ӧӧркі Чӧп депутады, «Жилстрой» компания устағҷызы полған Александр Магдалиннің хумартхызына чарыдылған олаңай кӱресче республика первенствозы ирткен. Анда 11- 13 частығ олғаннар араласханнар. Прай 88 спортсмен килген.
Хайди таныхтаан марығ тӧстегҷізі Ефим Бургундосов, Александр Магдалин кӱреснең айғасчатхан олғаннарға полысчаң, оларны спортха тартчаң. Аннаңар аның хумартхызына чарыдылған марығ чыл сай иртче. Ол олғаннарға уғаа туза. Ағбан пилтірі аймааның тренері Александр Бельтереков пу марыға сигіс оолағасты ағылған.
- Пу марыға піс чыл сай килчебіс, - чоохтапча Александр Сергеевич. - Мында кӱреснең айғазарға пастапчатхан олғаннар араласчалар. Первенство оларға улуғ марығларға чол асча.
Республика первенствозы пайрамни азылғанда, олғаннар паза улуғлар, Санкт-Петербургта полған террактта ӱреен кізілерні хумартхылап, пір минута сым турғаннар. Анаң сӧс пирілген школа директорының орынҷызы Екатерина Шутоваа. Ол, марыға килген улусха алғызын читіріп, чиит кӱресчілерге оң ползын тіп алғаан. Ағбан спорт школазының директор орынҷызы Екатерина Мамаева спорт школазының иң чахсы спортсмені, Россияның піріктірілген чииттер командазына кандидат Алексей Килижековха паза чахсы ӱгренчеткен Евгения Перуноваа алынҷа сыйыхтар читірген.
Олғаннар 27 килограммнаң 63 килограммға теере он кӧдірімде харбасханнар. Спортсменнер полған на харбазығда чиңіске прай кӱстерін салғаннар. Пастағы тоғазығда олғаннар удур-тӧдір харбазып, піреезі, «ыырҷыларын» учаландырыбызып, чиңіс тутхан. Таныхтирға кирек, чоннар аразындағы класстың спорт узы Татьяна Карамчакованың ӱгренҷілері чахсы тимненістерін кӧзіткеннер. Олар алты алтын медапь утып алғаннар. Первенство салтарларынҷа орыннар піди ӱлестірілген:
27 кг
1 орын - Артур Кичеев (СШОР);
2 орын - Владислав Саражаков (кӱрезіг ДЮСШ-зы);
3 орын - Рахман Гасанов (кӱрезіг CШ-зы) паза Баил Талипов (кӱрезіг ДЮСШ-зы).
29 кг
1 орын - Адилет Досуев (СШОР);
2 орын - Тимур Мамытов (СШОР);
3 орын - Евгений Буйнов (кӱрезіг ДЮСШ-зы) паза Данил Калинин (Ағбан пилтірі аймаа ДЮСШ-зы).
32 кг
1 орын - Инсан Орозбеков (СШОР);
2 орын - Давид Майнагашев (СШОР);
3 орын - Денис Кудакеев (СШОР) паза Александр Пилюгин (СШОР).
35 кг
1 орын - Саид Алиев (СШОР);
2 орын - Кирилл Сагалаков (СШОР);
3 орын - Павел Чебодаев паза Самир Сабиров (ікізі ЦСКА-Хакасия).
38 кг
1 орын - Степан Фоломеев (СШОР);
2 орын - Владимир Асочаков (ЦСКА-Хакасия);
3 орын - Юрий Абдин (кӱрезіг СШ-зы) паза Игорь Мистряков (СШОР).
42 кг
1 орын - Богдан Волошин (ЦСКА-Хакасия);
2 орын - Михаил Куралес (СШОР);
3 орын - Данил Тараканов (кӱрезіг ДЮСШ-зы) паза Николай Кучелаев (кӱрезіг СШ-зы).
46 кг
1 орын - Руслан Пастаев (СШОР);
2 орын - Азиретаалы Адиев (СШОР);
3 орын - Владислав Васильченко (СШОР) паза Данил Волков (кӱрезіг СШ-зы).
50 кг
1 орын - Александр Тохтобин (СШОР);
2 орын - Айтас Табурчинов (ЦСКА-Хакасия);
3 орын - Владимир Тодышев (СШОР) паза Магомед Богатырев (ЦСКА-Хакасия).
58 кг
1 орын - Егор Челтыгмашев (СШОР);
2 орын - Кирилл Северин (ЦСКА-Хакасия);
3 орын - Иван Прытков (кӱрезіг ДЮСШ-зы).
63 кг
1 орын - Дмитрий Круглов (ЦСКА-Хакасия);
2 орын - Елизар Иптышев (СШОР);
3 орын - Александр Бахман (Ағбан пилтірі аймаа ДЮСШ-зы).
Автор :
Антон ЧЕРТЫКОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы