CӰT СЫҒАРЫЗЫН ӦСКІРЕРГЕ КИРЕК
20.09.2017
Хабарлар
Хакасияның аал хонии паза ас-тамах министерствозында республикада сӱттіг інектер ӧскіреріне чарыдылған чыылығ ирткен.
Анда сӱттіг інектернің санын, сӱт саарын ӧскіреріне паза сӱттіг ас-тамахтың паазына чарыдылған сурығлар ӱзӱрілгеннер. Чыылығда аймахтарның аал хонии управлениелерінің, предприятиелерінің паза кресен-фермер хоныхтарының устағҷылары араласханнар.
Хакасияның аал хонии паза ас-тамах министрі Александр Башковтың таниинаң, пылтырғызынаң тиңнестірзе пӱӱл сӱт кӧп арах саалған.
- Сӱт сығарызын ӧскірерге кирек. Сӱт - ол тіріг ахча, хайзын ас-тамах сығарчатханнар кӱннің сай алчалар. Полған на хоныхта хорадығлар кӧп. Ол хорадығларны чабарға кирек, - таныхтаан Александр Башков.
Сӱт сығарызын ӧскірер ӱчӱн, хай пірее аал хонии предприятиелері голштин тӧлліг інектерні ӧскірерге пӧгінчелер. Голштиннер сӱт кӧп пирчелер. «Хакасское по племенной работе» ООО-ның устағҷызы Юрий Овчинников хоныхтар устағҷыларына пу сурығны пӧгерге полыс пирерге тимде.
Ағаа хоза мал азиин чахсыландырарға кирек. Агрохимическай хазна службазының станциязы аал хонии предприятиелерінең паза фермаларынаң алылған чирні чыл сай сыныхтағда тутча.
Автор :
Алексей БАИНОВ
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы