ПАЛАА КИРЕК ИМ ПИРІЛЧЕ
03.10.2017
Хабарлар
Хакасияда Саяногорсктың прокуратуразы ара кіріскенде ле палаа кирек им пиріл сыххан.
Саяногорсктың прокуратуразынзар чазы читкелек хызыҷахтың пабазы палаа кирек им ал полбинчатхан сурығҷа айланған. Хайди сыныхтағ кӧзіткен, 2014 чылда палаа операция иткен соонда аны хазыхтандырарға кирек им пирчедерге чӧп пирілген. Че пӱӱл февральда городтағы олған поликлиниказының имҷізі ағаа чоннар аразындағы патент чох им аларға рецепт пас пирген. Палаа операция иткен имнег учреждениезінің искіриинҷе, тізең, ағаа садығ маркалығ им препарады киректелче.
Закон хоостыра имҷі чоннар аразындағы патент чох им препараттарынҷа рецепт пас пирче. Че имнеҷең кӧзідіглерҷе кізее ол имнер чарабинчатса, имҷілер комиссиязының чарадиинҷа садығ маркалығ имге рецепт пас пирерге чарир.
Хайди сыныхтағ кӧзіткен, паланың хазых кӧзідіглерінҷе ағаа пасха производительлер сығарған имнең тузаланарға чарабинча, ағаа кирек имні пасха имге алыстырза, аның хазиина ол хомай теелер.
Паланың праволарын арачылир пӧгіннең, городтың прокуроры чарғызар айланған. Саяногорск городтың чарғызы прокурорның искінең чарасхан, Хакасияның хазых хайраллаҷаң министерствозы палаа кирек им препарадын пирерге чарадығ алған. Хакасияның Ӧӧркі чарғызының гражданскай киректерҷе Чарғы коллегиязы ідӧк пу чарадығнаң чарасхан.
Амды палаа кирек им читкіҷе пирілче. Ағаа имнер пирер сурығны городтың прокуратуразы сыныхтаға алған. Палаа, хазыхтанып алар ӱчӱн, ол имнернең сыбыра тузаланарға киректелче.
Автор :
Хакасияның прокуратуразы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы