НАА ПОЛЫЗЫҒЛАР ПИРІЛЧЕ
18.10.2017
Хабарлар
Россияның тибіреділбинчеткен объекттерні санға турғызар системазы тиліпчеткенде, Кадастр палатазының ӧӧн тоғызы даа алысча. Мының алнында праволарны санға турғызар орган Росреестр полған, кадастр санына турғысчаң орган - Кадастр палатазы. Пӱӱл 1 январьдаң тибіреділбинчеткен объекттерні хазна санына турғызардаңар закон тоғын сыхханда, кирек илееде алыс парған. Кадастр санына турғызар тоғыс Росреестрге пиріл парған. Амды тибіреділбинчеткен объекттерні санға турғызар пірге реестр тоғынча.
Андағ алызығлар пол парғанда, Кадастр палатазына наа кӧстеглерҷе тоғыс апарарға киректелче. Ам тибіреділбинчеткен объекттернең айғазар сферада ол аймах чӧптер паза электроннай оңдайнаң хол салҷаң клӱстер сертификаттарын пирче. Кадастр палатазы пирген электроннай хол салызынаң Росреестрнің хазна хабазығларынаң, ідӧк пасха даа ведомстволарның хабазығларынаң тузаланарға чарир.
Федеральнай собственностьтағы объекттерге кадастр тоғыстарын апарар план тудылча. Наа тоғыстарға учреждение кӧӧлҷе кірче. Кӧзідімге, пу чыл тоозылғанҷа нинҷе-де ле регионның филиаллары кадастр тоғыстарын толдырчалар. Хакасия ол списокка кірбеен. Мындағ наа тоғыс тибіреділбинчеткен объекттер рыногын улам тилідер.
Тибіреділбинчеткен объекттернең айғасчатса, чахсы чӧптер алары уғаа тузалығ. Пірееде объекттернің ээлеріне прай законодательствоны чахсы пілерге кирек пол парча. Хакасияның Кадастр палатазы - хазна учреждениезі, аның специалисттерінің кадастр хайызығлары сферазында паза тибіреділбинчеткен объекттер рыногында опыттары улуғ.
Чӧптезіглерні, пазып, тимнеп пирер паза электроннай хол салызын пирерінҷе хабазығлар ӱчӱн тӧлеглер сині регионда иң тӧбін. Республика чуртағҷыларына электроннай хол салызын, чӧптер аларға, садығ чӧптезіглерін, объекттерні сыйлир паза пасха даа чӧптезіглер идерге Кадастр палатазының офистерінзер айланарға чарир. Чуртағҷыларнаң тоғазығлар пу адрестерҷе иртірілер:
Ағбан г., Кировтың ор., 100; Ағбан пилтірі пос., Гидролизнай ор., 9; Харатас г., Боградтың ор., 59. Кадастр палатазының телефоннары:
Ағбанда -8(3902)-24-23-22, 24-29-25 (хоза 2277),
Ағбан пилтірінде - 8 (390-32) 2-12-57;
Харатаста -8(390-31) 6-47-90.
Автор :
Елена ФИЛАТОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы