ӰГРЕНҶӀЛЕРӀБӀСНЕҢ ПОҒДАРХАПЧАБЫС
Алтай аймаандағы Хызыл чазы аалзар чорыхха сыхханда, анда школа директоры Жанна Натейкинанаң, тоғазып, чоох алысхабыс. Ол школа чуртазынаңар чоохтап пирген.
— Класстарда 6 — 15 пала ӱгренче, — чоохтапча Жанна Петровна. — Пылтыр 9 классты 15 ӱгренӌі тоосхан. Прайзы, экзаменнерні маңнаныстығ тудыбызып, аттестаттар холға алғаннар.
Хызыл чазыдағы школаны тоосхан ӱгренӌілернің піреезі, ӱгретчее ӱгреніп алып, пуох школазар тоғынарға килче. Тӧрт хыс, ӱгретчілер колледжін тоозып, амды пасталығ класстар ӱгретчілері полча. Ідӧк олар заочно пӧзік ӱгредіг алчалар.
Ӱгредігдең пасха, олғаннар спортнаң ӧткін айғасчалар. Іди олар муниципальнай паза республика марығларында араласчалар. Анда ӱгренӌілер сыйыхтығ орыннарға турысчалар, ідӧк ниик атлетиканаң, ми- нифутболнаң, волейболнаң айғасчалар.
— Пӱӱл волейболӌа хызыӌахтар командазы Ағбан пилтірі аалда ирткен республика мариинда араласхан, — чоохтапча школа директоры. — Хызыӌахтар кӧп грамоталар, медальлар холға киргеннер. Физкультура ӱгретчізі Владимир Владимирович Семенчук пу спорт кӧрімін пӧзік синге кӧдіріп алған. Ол олғаннарға волейбол секциязын апарча. Аалдағы чииттер дее андар чӧрчелер.
Таныхтирға кирек, школада чахсы спортзал паза спорт площадказы пар. Анда футбол ойнаӌаң чазы паза чӱгӱрӌең чол салылған.
— Пӱӱл кӱскӱзін Хызыл чазы аалда «Кӱскӱдегі кросс» ниик атлетикаҷа аймах синіндегі марығ ирткен. Анда пістің ӱгренӌілер сыйыхтығ орыннарға сыхханнар, — чоохтапча Жанна Петровна.
Таныхтирға кирек, физкультура ӱгретчізі Владимир Семенчук боксча спорт узына кандидат полча. Пір туста ол олғаннарны ідӧк боксха кӧніктірген полған. Че школада пу спорт кӧрімін пӧзік синде иртірерге оңдай чохтаңар, ӱгретчі бокс секциязын апарбиныбысхан. Олғаннар, спорт кӧрімнерінең хынып айғасчатханда, хомай киректерге тартылбинчалар. Анзы ӱгретчі Владимир Владимирович чахсы тоғынчатханынаң палғалыстығ.
Хызыл чазыдағы школаның ӱгренӌілері ідӧк ӱгреністе, чайаачы тоғыста чахсы чидіглерге читчелер. Улуғ класстардағы ӱгренӌілер, олимпиадаларда аралазып, муниципальнай паза республика синінде ОБЖ, физическай культура, орыс литература, биология предметтерӌе сыйыхтығ орыннарға турысчалар. Дарья Бурнакова пылтыр, 7-ӌі класста ӱгренчеткенде, англия тілі олимпиадазында сыйыхха турысхан. Пасталығ класстар ӱгренӌілері чайаачы тоғыснаң айғасчалар. Ирткен ӱгредіг чылында 4-ӌі класстың ӱгренӌілері Миша Емельянов паза Влад Мерлеин Илбек Чиңіске чарыдылған «Поклонимся великим тем годам», Надя Поплавская паза Полина Артемьева «Поэтическая красная книга» республика марығларында сыйыхтығ орыннарға сыхханнар. Тиксі алза, республика марығларында 28 ӱгренӌі 5І сыйыхтығ орынға турысхан.
Амғы туста прай школаларда ӱгредігнің наа федеральнай стандарты хоостыра уроктағы нимес тоғыс апарылча. Хызыл чазыдағы школада пасталығ класстар ӱгренӌілеріне ритмика, «Мастерская самоделкина» паза чапсых информатика занятиелері иртірілче. 5 — 7 класстар ӱгренӌілері тенниснең паза театр тоғызынаң айғасчалар. Анда олғаннар ойыннар тимнепчелер, кибелістер хығырчалар.
Че школада асхынах пала ӱгренчеткеннеңер пірее сидіксіністер сығысча. Физкультура, технология паза ОБЖ уроктарында класстарны піріктірерге килісче. Хайди таныхтапча Жанна Натейкина, амғы туста интерактивнай чардылар читкіӌе нимес.
— Ідӧк полған на класста ноутбук полған полза, чахсы поларӌых, — чоохтапча Жанна Петровна.
Хызыл чазыдағы школаны тоозып, ӱгренӌілер колледжтерде, училищелерде ӱгренчелер. Піреезі, пӧзік ӱгредіг аларға сағынып, Н.Ф.Катановтың адынаң национальнай гимназиязар паза Ағбандағы ли- цейзер кірче, анаң, 11 класс тоозып, институтсар
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |