ИДІНҶЕКТЕРГЕ - НАА ПРОГРАММА
15.11.2017
Хабарлар
Хакасияның экономика тилізі министерствозы искіриинең, пос киреенең айғасчатханнарға, кічіг паза ортын бизнеске льготалығ кредит пирерінҷе наа программа тоғынып пастапча - «Программа 674». Пу программаның пастағҷызы - Россияның экономика тилізінің министерствозы.
Наа программа кічіг паза ортын предпринимательство корпорациязының «6,5 програмаа» хоза тоғынар паза инвестиция проекттерін чуртасха кирерге, ӧӧн ниме-нооларны аларына паза тӧстиріне, ол санда пӱдіріге, ӧӧн пӱдіріглерні нааҷылирына, ідӧк проект пічіктерін тимниріне полызар. Льготалығ ставка ортын бизнестегілерге 9,6 %-тең аспасха кирек, кічіг бизнестегілерге - 10,6 %. Кредит чӧптезиин 5 миллион салковайдаң 1 миллиард салковайға теере пис чылға идерге чарир.
Ахчаны кредитке алчатхан идінҷектерге хайди даа тиліҷең оңдайлығ кӧстегде тоғынарға кирек: аал хонии ас-тамаан сығарары паза полызығлар пирері, импорт ниме-ноолары орнына ниме-нооларны, ол санда ас-тамахты сығарары, чарытхы, газ паза суғ сығарызы, пӱдіріг, транспорт паза палғалыс, туризм, хазых хайраллиры, сӧп-сапты паза тимір-тисті чыыры, чох идері, ідӧк экономика отрасльлары, хайда науканың, технологияларның паза техниканың тилітчең кӧстеглері чуртасха кирілчелер. Программаҷа тоғынчалар Сбербанк, ВТБ паза Россельхозбанк.
Автор :
Елизавета ГОНЧАРОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы