ӰСТӰНЗАРХЫ СИБИРЬНІҢ ААЛ ХОНИИ ФОРУМЫ
15.11.2017
Хабарлар
Ағбанда 24 ноябрьда республиканың музей-культура кінінде Ӱстӱнзархы Сибирьнің аал хонии форумы азылар. Аны «Сибирьнің кресен (фермер) хоныхтарының паза агропромышленность комплексінің организацияларының» ассоциациязы, Хакасияның аал хонии паза ас-тамах министерствозы иртірчелер. Форумны азарлар Хакасия пазы Виктор Зимин паза Хакасияның Ӧӧркі Чӧп кнезі Владимир Штыгашев.
Мероприятиеде Сибирьдегі регионнардаң агропромышленность комплексінің 1000 азыра предприятиезінің кізілері аралазар, ол санда ӱлгӱнің хазна паза муниципалитет органнарының устағҷылары паза специалисттері, хайдар ідӧк кірче Туваның аал хонии министрінің устаанаң улуғ делегация.
Форумда 30 азыра организация мал-хус имнирінҷе, ӧскірерінҷе, агрохимияҷа паза аал хонии техниказынҷа кӧзідіглер турғызар. Ікі кӱн аразына фермерлерге паза специалисттерге аал хонииндағы алызығлардаңар 40 азыра семинар, мастер-класс, кӧзідіг иртер. Прай мероприятиелер тикке иртер.
Автор :
Наталья БОРГОЯКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы