ПАЛА ЧУРТАЗЫ ӰЧӰН - ПРАЙЗЫ НАНДЫРЫҒЛЫҒ
06.12.2017
Хабарлар
2 декабрьда Харатаста, турада ӧрт сығып, ікі кізі саайға кірген, оларның пірсі - 6 частығ пала - ӱреен. Пала угарлығ газха оох парған. 3 декабрьда Новосибирск облазында ӧртте пис паланың чуртазы ӱзілген. Хакасия пазы Виктор Зимин республиканың аймах синдегі пастыхтарзар паза чуртағҷыларзар айланча:
- Кізі саайланғаны, уламох пала - ол иң улуғ чобағ. Тың ачырғастығ, саай улуғларның пырозынаң полза, хайзылары палаларының чуртазын арачылабааннар. Алындағы чылларда піс, ӧрттер полдыртпас ӱчӱн, кӧп тоғыс апарғабыс. Ол тоғыс кӧп чуртасты ал халарға полысхан, че полған на саай хорғыс чох полары паза профилактика тоғызында оох-теек сурығлар чох полчатханын киречілепче. Аннаңар профильліг структураларның прай устағҷыларынаң, хазна паза муниципальнай ӱлгӱ органнарының прай пӧліктерінең, іҷе-пабалардаң, ӱгретчілердең, опека органнарынаң, полған на ибҷе чӧріп, кӧп палалығ сӧбірелерге паза уйан чуртапчатхан сӧбірелерге улуғ хайығ салып, чарыдығлығ тоғыс апарарына тиксі оңдайларнаң тузаланарға, ол санда СМИ-ларнаң палғалызарға, киректепчем. Пістің чуртағҷыларға, уламох палаларға, хорғыс чох поларында ӱлгӱнің паза чонның кӱзін піріктірерге кирек Пу сурығларнаң тӧреміл айғазарға кирек.
Хакасияда 2017 чылда 595 ӧрт полғаны санға алылған, хайда 33 кізі ӱреен, 23 кізі палығлатхан. Оларның кӧбізі кізі отнаң салбыр тузаланғаннаңар сыххан, ол санда изіріктер сылтаанда. Ідӧк песнең паза чылығ пирчеткен приборларнаң саба тузаланғаны сылтағ полча.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы