ХООС СӦС ЧАЗЫДЫ
14.02.2018
Хабарлар
Саблығ кибелісчі Наталья Ахпашева чиит чайаачы устарға мастер-класс иртірген
Чайаачы тоғыснаң айғасчатхан чииттер Хакасияның Литераторлар туразында саблығ кибелісчі Наталья Ахпашеванаң тоғасханнар. Пу тоғазығ «Сӧс чазыды» проектче иртірілген.
Пӱӱл аны Илбек Ада чаа тузында Сталинград хыриндағы чиңіске 75 чыл толчатханына чарытханнар. Тоғазығ пасталчатханда, Наталья Ахпашева позының халғанҷы чыындызын Алёна Лукьяненкаа читірген. Ол кибелісчінің чайаачы тоғыстарына чарыдылған сурығларға прайзынаң пурун нандырған.
Анаң мастер-класс пасталыбысхан. Чииттер постарының кибелістерін хығырғаннар. Наталья Марковна ол чайаачы тоғыстарны ӱзӱрген, тузалығ чӧптерінең ӱлескен. Чииттернің хайдағ даа сурығлары нандырығ чох халбаан. Соонаң Наталья Ахпашева кибелістер пазарға ӱгренер книгаларны адағлап пирген. Тоғазығ тузалығ ирткені таныхталған.
Автор :
Татьяна ШУЛБАЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы