ХАБАЗЫҒ ПІЛДІРТЕ ХОЗЫЛҒАН
11.04.2018
Хабарлар
Чоллар. Хакасияа чолларны тыхтирына паза пӱдіреріне 380 миллион салковай пирілер.
Хакасия пазы Виктор Зиминнің чахиинаң республиканың муниципальнай пӱдістеріне орындағы чолларны тиксі тыхтирына, иптиріне, пӱдіреріне паза алыстырарына, ідӧк сағыбаан саайның ӱреглерін чох идерінҷе тоғыстарға 380 миллион салковай пирілче, ол санда Харатасха - 100 миллион салковай, Ағбан пилтірі аймаана - 79 миллион салковай, Саяногорскка - 35 миллионҷа салковай, Абазаға - 24 миллионҷа салковай.
- Город-ааллардағы чолларны иптіг тудары, тыхтиры паза нааҷылиры уғаа кирек тоғыстарның пірсі полча, хайзыларынаң Хакасия чуртағҷыларының истіг паза хорғыс чох чуртазы палғалыстығ. Пу сурыға муниципальнай пӱдістерге ахчалығ хабазығ республика бюджедінең чардыхти пирілче. Кӧзідімге, ирткен чылда Харатас городта чолларда улуғ тоғыс толдырыл парған, Алтай паза Ағбан пилтірі аймахтардағы аалларда асфальт тӧзелген. Пӱӱл тоғыстар узарадылча, ол ирткен чылдағызынаң алғым иртер. Пу кӧстеге ахчалығ хабазығ пілдірте хозыл парған нооза, - таныхтаан республика пазы Виктор Зимин.
Пу чағында муниципальнай пӱдістер город-ааллардағы чолларны тыхтирына паза пӱдіреріне садығлар чарлирлар. Регион пазы тоғыстарны майда пастир пӧгіннең прай тимнегліг тоғыстарны табырах иртірерге чахаан.
2016 чылда орындағы чолларны тыхтирына, пӱдіреріне республика бюджедінең 125 миллион салковай пирілген, 2017 чылда - 171 миллион салковай.
Автор :
Хакасия пазының администрациязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы