КӦК ТИГӀР СЫЙЛААННАРҒА АЛҒЫС
04.05.2018
Хабарлар
Илбек Чиңіске. Тиксі Россияда «Чиңіс ағастары» чӧрім иртче. Пістің республика анда ӧткін араласча.
Хакасияда «Чиңіс ағастары» чӧрімнің пастағҷызы республика пазы Виктор Зимин полған. Министерстволар паза комитеттер устағҷыларынаң хада ол ағастарны Ағбандағы Ирт тағда одыртхан. Оларға ідӧк волонтерлар паза чиит армеецтер хозылғаннар. «Пу ағастарны олаңай ла одыртпинчабыс. Піс мындағ оңдайнаң Хакас чирінең Илбек Ада чааға парған полған на чааӌының адын сағызыбыста хаӌанға даа артысчабыс. Тиксі республикадаң тізең, 40 муң азыра кізі чааға парған.
Илбек Чиңіс пайрамын иртірерінҷе комитеттің халғанӌы чыылиинда Хакасияның Ветераннар чӧбінің кнезі Галина Трошкина мына мындағ аллеялар тӧстирдеңер чӧпнең чоох тутхан. Ағастарны аалларда даа, городтарда даа одыртарбыс. Оӧні - мындағ оңдайнаң піс, республика чуртағӌылары, амғы амыр чуртас ӱчӱн чааласхан аға-ууӌаларыбысха алғызыбыс читірербіс», - теен Виктор Михайлович.
Ағбандағы ирт тағда тіген ағастарның аллеязы пуох чӧрім хоостыра 2015 чылда тӧстелген. Хакасия пазы Виктор Зимин ол тустаң сығара «Юнармия» чииттерінең хада ағастар одыртча.
Пӱӱнгі кӱнде анда 300 азыра тіген ӧсче. Ноға тіген ағас? Хайди чарытчалар специалисттер, пу ағас пістің чирге килістіре, ол сах андох кӱс алынып алча.
Пу кӱннерде іди Хакасияның чааҷыларына чарыдылған мемориал комплексі хыринда ӧсчеткен ағастарға 50 хорбы хозылған.
Илбек Чиңіске удур амды республиканың пасха даа городтарында паза аалларында ағастар одыртылар.
Автор :
Александра СУНЧУГАШЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы