Чоныбыс Наа чылны удурлапча
20.03.2021
Хабарлар
Пӱӱн С.П.Кадышевтiң адынаң культура кiнi алнындағы ачыхта Чыл пазы ӱлӱкӱн пайрамни таныхталча. Чоныбыс ööн ӱлӱкӱнiн таныхтирға ачыхсар чон кöп чыылған. Хакасия пазы Валентин Коновалов улуғ сценадаң республикаларның чуртағӌыларын Наа чылнаң алғыстаан.
Таныхтирға кирек, кибiр хоостыра Наа чылны удурлапчатса, хайди даа ирткен чылның салтарлары идiлче. Пӱӱл хакас чонының Улуғлар чöбi чағбан чӱректiг паза тоғыста пöзiк чидiглерге читкен улусха "Чыл кiзiзi" аарлығ ат пирген. Андағ атха Пилтiрдегi школаның ӱгретчiзi Лариса Чебодаева паза Ағбандағы "Кристалик" олған садының воспитательi Евгения Кискидосова турысханнар.
Хакас филармониязы чыылған чонға ӱтертiстiг концерт кöзiткен. Кöгӌiлернiң сiлiг сарыннары кöп чир-суғӌыбыстың кöңнiне кiрген.
Автор :
Ольга Томочакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде