COVID-19 ағырығны 18 кiзi хаптырып алған, 10 кiзi чазылған
10.04.2021
Хабарлар
Хакасияда ирткен суткаа коронавирусты хаптырып алған 18 кiзi санға алылған, 10 кiзi имненiп алған. Ағырығны 21268 чуртағҷы алай ағырыбысханнарның 96,7 % «утып» алғаннаңар искiрче правительстводағы оперативнай штаб.
Наа ағырыбысханнарның 5 кiзiзi – Ағбанның чуртағҷызы, 4-ер кiзi – Харатастың паза Боград аймааның, 2 чуртағҷы – Ағбан пилтiрi аймаанаң, пiрер чуртағҷы – Орджоникидзе, Пии паза Шира аймахтарынаң.
Ағырыбысханнарның 7 кiзiзi кискектебiскенiнде, имнег туразынзар айланғаннар; 2 кiзiзiн пневмонияа сыныхтаанда, коронавируснаң ағырчатханнары iлезiне сығарылған; 3 кiзi ибдегiлердең паза тоғыстағылардаң ағырығны хаптырып алған, пiр кiзiнiң теестегi имнег сыныхтаа тузында ағырчатханы таныхталған; пiр кiзi позы сыныхтанған, пiрсi, тiзең, Хызылчардаң айланғанда, наа ағырығны чухтырып алғаны сығысхан.
Хакасияда тымо пасталғаннаң коронавирус 21 986 хати iлезiне сығарылған, ол санда 2021 чыл пасталғаннаң – 4434 хати. Тӧрт кӱн аразына ағырығның тарапчатханы 1-ге тиңнелген, читi кӱн аразына – 0,8-ке.
Ағырыбысханнарнаң хада палғалыста полған 992 кiзi имҷiлер хайииндалар. Ибде 122 кiзi имненче, стационарда – 81 кiзi, ол санда 25-i аар ағырча, 7-зi ИВЛ полызиинаң тынча.
Автор :
Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде