8 чуртағӌы чазылып алған
11.04.2021
Хабарлар
Хакасияда халғанӌы суткада коронавирус диагнозтығ 8 кiзi хазыхтанып алған. Пӱӱнгi кӱнде наа чуғынӌах ағырығдаң чазылып алғаннарның саны тиксi 21276 кiзее тиңнелче (ол ағырчатханнарның 96,6%-i полча).
Ирткен суткада лабораторияда 19 чуртағӌыдаң ковид чуғынӌах ағырығ сығысхан (Харатас - 5, Ағбан паза Саяногорск - 4, Ағбан пилтiрi аймаа - 3, Сорығ, Боград, Орджоникидзе аймахтар - пiрер кiзi):
- 6 чуртағӌының чуғынӌах ағырығ имнег туразынзар кискекнең ағырчадып айланғанда, табылған;
- 2 кiзiдең ковид внебольничнай пневмониядаң имненчеткенде, сығысхан;
- 6 кiзi сöбiреде наа ағырығны хаптырып алған, пiр чуртағӌы -тоғыста;
- 3 чуртағӌыдаң план хоостыра сыныхтағ иртiрчеткенде, СОVID-19 ағырығ сығысхан;
- 1 чир-суғӌыбыс коронавирусты пасха субьектсер ааллап чöргенде, хаптырып алған.
Республикада пандемия пасталғаннаң сығара тиксi 22005 чуртағӌы ковиднең ағырыбысхан. Пӱӱнгi кӱнде ағырығның тарапчатхан коэфициентi тöрт кӱнге 1,6 кöзiдiмге тиңнелче, читi кӱнге ол кöзiдiм 0,9 санға читче.
Имӌiлернiң хайиинда 985(-7) чуртағӌы. Олар прайзы ағырыбысхан кiзiлернең палғалыста полғаннар. Ибдең 131(+9) чир-суғӌыбыс имненче, имнег тураларында - 83(+2), ол санда 27-зi (+2) тың ағырча, 8 (+1) кiзi ИВЛ-да.
Автор :
Тимнеен Ольга Томочакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде