Коронавирустаң тоғыр ӱзінҷі вакцина чарадылған.
13.04.2021
Хабарлар
Хазых. Россияның хазых хайраллаҷан министрі Михаил Мурашко искірген, коронавирус ағырығдаң тоғыр «КовиВак» наа вацина 18 - 60 частығ кізілерге турғызарға чарадылча.
Россияның хазых хайраллаҷаң министр Михаил Мурашко таныхтаан, коронавирустаң тоғыр ӱс вакцинаны, хайзылары прайзы пістін хазнада санға алылғаннар, вакцинацияда тузаланарға чарир. Хайди ол искірген, пу ағырығдан тоғыр «КовиВак» наа вакцинаны 18 - 60 частығларға турғызарға чарадылған. Аны 60 частаң улуғ кізілерге турғызардаңар істезіглер ам даа иртірілче. Наа вакцинаның пастағы чардығы пу айның пастағы декадазында тузаланысха кирілген.
Чоохтирга кирек, коронавирустаң тоғыс пастағы вакцина пістін хазнада паза тилекейде 2020 чылда 11 августта санға алылған. Ол «Спутник V» адалған. Аны сағын таап алғаннар Н.Ф.Гамалеяның адынаң национальнай істезігліг кінде (НИЦ). Ікінҷі вакцина - хазнаның «Вектор» вирусология паза биотехнология наука кінінің препарады. Ол санға ідӧк пылтыр кӱскӱде санға алылған. Пӱӱл февральның халғанҷызынзар «КовиВак» вакцина санға алылған. Ол тимнелген РАН-ның М.П.Чумаковтың адынаң иммунобиология имнерні істесчең паза сығарҷан федеральнай наука кінінде. Россия президенті Владимир Путин CОVID-19 ағырығдаң тоғыр вакцинация иң пастағы пӧгін полча тіп искірген.
Хайди таныхтаан министр, кізее прививканы турғыстырарға чарабас полза, ағаа ол сылтағдаңар имҷі чоохтап пирер. Кізінің вакцинаа аллергия паза чуғынҷах ағырығлардағ сидіксініс чох полза, вакцинацияны иртерге пір дее ниме харығ полбинча.
Автор :
Хакасияның хазых министерствозы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы