Бабик ойым – туризм тилiзiнiң орны
20.04.2021
Хабарлар
Хакасияның правительствозы Бабик ойымда туризмнi тилiдерге пӧгiнче. Республиканың холында 234 гектар чир. Анда «Альпыдағы аал» гостиница-коттеджтiг комплекстi пӱдiрiбiзерге чарир. Андар парк, спа-комплекс, гольф паза улуғ теннис ойнир ачыхтар, родельбан паза зипрайдер, пуста чылҷаң чабых орын, олғаннарға ойнаҷаң площадка, ресторан паза конференц-зал кiрер. Инвестиция ахчазы тиксi синi 800 миллион салковайға тиңнелче.
Туроператорларның таниинаң, Бабик чазы-ойымда чайғызын даа, хысхызын даа тынанарға чарир. Андар «Анекс тур» федеральнай компания чорыхчыларны тынанарға ысча. Туристтернi анда аймах оңдайнаң ӱтертерге чарир. Аалҷыларға тағларзар сығарға, суғларҷа инерге, хайаларҷа сых чӧрерге оңдай пар. Бабик ойымдаң Сойан-Сус ГЭС-та пол килерге, Минсуғзар, Ағбанзар, Суссар, Асхыс аймаанзар экскурсияларнаң чит пар килерге ӱр нимес. Турист объекттерi санына тағ индiре чылҷаң трасса кiрче. Аның узуны - ӱс километр.
Пу чапсых хабар туроператорларның Хакасияҷа чорығы тузында искiрiлген. Чорых «Сибирь. ПРИтяжение» чоннар аразындағы турист форумы хоостыра иртiрiлче.
Автор :
Ольга Жернакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде