Приисковай аалда - тӧрт наа отель
20.04.2021
Хабарлар
Пу чағында Орджоникидзе аймаандағы Приисковай аалны улуғ алызығлар сағыпча, анда тӧрт наа отель пӱдiрiлер. Аннаңар искiрiлген туроператорларның Хакасияҷа чорығы тузында. Чорых «Сибирь. ПРИтяжение» чоннар аразындағы турист форумы хоостыра иртiрiлче.
Тӧрт чылтыстығ отельнi «Тайғадағы резиденция Ажур» организация пӱдiрер. «Аквамарин» компания «ALL INN» отельнi тузаланысха кирер. Пiр инвестор «BEEHERB» гостиница комплексiн пӱдiрерге тимде. Ағаа хоза, пiр идiнҷек «Муравейник КРАБ» комплекстiң тилiзiне 100 миллион салковай позыдар. Тиксi алза, пу объекттерге кӧрiл парған инвестиция синi - 1,6 артиинаң миллиард салковай.
Приисковай республика ӱлгӱлерiнiң хайиинда. Пӱӱл аалзар парчатхан чолны тиксi тыхтап пастапчалар. Алында Хакасия пазы Валентин Коновалов танығлығ орыннарзар парчатхан чолларны нааҷылабызарға чахығ пирген. Аннаң пасха, Приисковайда котельнай паза канализация системазы пӱдiрiлер. Наа пӱдiрiглер проектi хоостыра изелчеткен 9 тура чох идiлер, оларның чуртағҷыларына наа чурттар пирiлер. Позыдылған орында наа турист инфраструктуразы тилир.
Автор :
Ольга Жернакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде