Матырларны хумартхылалар!
06.05.2021
Хабарлар
Илбек Чиңіс. «Ӧлімі чох полк онлайн» чӧрімде аралазарына айланыстар алары узарадылча
Пӱӱл чиңісчілер парады хатап дистанционнай оңдайнаң иртер. Эпидемия тарапчатханы аны кибірли иртірерге оңдай пирбинче.
Трансляция 9 майда орындағы тусча 15.00 часта Россияның прай регионнарында пасталар. Че кӧзідіг сетказы регионнарҷа ӱлестірілер. Чарыда чоохтаза, Хакасия чуртағҷылары прайзын кӧрбестер, Чир-суубысты Илбек Ада чаа фронттарында арачылаан чир-суғҷыларын, туған-чағыннарын на.
Хайди искір пиргеннер тиксі Россиядағы акцияның араласчылары региондағы ЦУР-ға, 4 майға чон чӧрімінде аралазарына Хакасияның 1466 чуртағҷызы айланыс ысхан.
Сірер дее акцияда аралазарға маңнаныңар! Айланысты акцияның официальнай сайтынзар 7 майға теере пирерге чарир: https://2021.polkrf.ru.
Чарадығ алған айланыстарның авторлары оларның туған-чағыннарының сомнары хаҷан кӧзіділердеңер искіріг аларалар. Чӧрім тоозылған соонаң олар туған-чағыннарының сомнары кӧзіділген видеотрансляциядаң кизекті алып алар оңдайлығлар.
Постың матырларынаңар искіріглерні ирткен чылда пирген паза хайдағ-да алызығ кирерге сағынминчатхан кізілерге пос айланызын хати пирерге киректер.
Таныхтирға кирек, 2020 чылда «Ӧлімі чох полк» тиксі Россиядағы чӧрім коронавирус сылтаанда пастағызын на онлайн оңдайнаң ирткен. Трансляция polkrf.ru сайтта паза социальнай сеть-терде апарылған. Аны прай тилекейде 25 миллион кізі кӧріп алған, анада аралазарына аймах пасха хазналардаң ӱс миллионңа айланыс кірген.
Автор :
Елена Куминова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде