Палалар арачыланызына хайығ тыыдылар
12.05.2021
Хабарлар
Кӱн сурии. Хазандағы чобағ соонаң Хакасияның ӱгредіг учреждениелерінде хорғыс чох поларын тыыдарлар
Хакасияның школаларында, школа алнындағы ӱгредіг учреждениелерінде хорғыс чох поларын тыыдардаңар кирексіністер муниципалитеттерге читірілген. Аннаңар искірче республиканың ӱгредіг паза наука министрінің тоғызын толдырчатхан Анатолий Бутенко. Министерство ідӧк палаларны арачылирына іҷе-паба комитеттерін тартарға чӧп пирче.
Хакасия правительствозы Хазандағы школада чобағлығ кирек пол парғаны хоостыра сағыссырапча паза іҷе-пабаларны сизіктіг поларға, палаларның сизіндіріглеріне тузында хайарға, сурынча.
11 майда Хазанда 175№ школада атыс пол парған. Азынада искіріглернең сигіс кізі чуртазын чідірген - читі пала паза пір ӱгретчі. Имнег тураларынзар 21 кізі апарылған: 18 олған паза ӱс улуғ кізі.
Хакасияда ӱгредіг министерствозы 2020/2021 ӱгредіг чылы пасталарына, чазы читкелектерге истіг паза хорғыс чох социальнай инфраструктура тӧстир кӧстегнең, объекттерзер правозы чох кізілер кірерін тохтадарынҷа тоғысты тӧстеен. Иртчең орынны паза объект істіндегі режимні сыныхтиры, объекттерні хадаға алары тимнелген.
Хакасия правительствозының паза РУСАЛ компанияның пірге тоғызы сылтаанда республиканың 210 ӱгредіг учреждениезі 60,5 миллион салковайға хадағ системазынаң паза техниказынаң тиріндірілген. Полызығлығ хабазығның 83%-і (50 миллион салковай) Хакасияның муниципальнай пӱдістерінзер ызылған, 10,5 миллион салковай - ведомство холындағы учреждениелерзер.
Хакасияның республика бюджедіндегі ахча полызиинаң «Халых чуртасты амыр идері паза сайбағ иткенінең кӱрезері» республика программазы хоостыра 14 хазна пірігізіне 1 миллион салковайға видео пастыра кӧрҷең системалар алылған паза турғызылған. 2021 чылда ӱгредіг объекттерінің терроризмнең арачыланызы 100% полча.
Амғы туста министерство ведомство холындағы пӱдіріглерде ӧрттең тоғыр автоматика системалары хайдағ оңдайда полғанын сыныхтаан. Тузаланыс тузы 10 чылдаң ас парған ӧрттен тоғыр автоматика системаларын нааҷылирына проект-сметалығ пічіктер тимнелген. Кӧзіділген мероприятиелерні иртіреріне РУСАЛ компания пос кӧңнінең пирген 15 миллион салковайны позыдары кӧрілче.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде