АМЫР ЧУРТАСТЫҢ 76 ЧЫЛЫ
14.05.2021
Хабарлар
Илбек Чиңіс. 9 Майда тиксі Россияда улуғ пайрам ирткен
Таштып аалда Чиңіс паркында чон Илбек Ада чаадағы Чиңістің 76 чылын таныхтаан. Аймахтың культура пӧлиинің тоғынӌылары айдас программа тимнеп салтырлар. Сарыннар, теелбектер... Олар прайзы чиңістің чобағлығ тархынына чарыдылғаннар. Таштып аймаа пазы Алексей Дьяченко чоохтанған соонаң, сӧс республиканың национальнай паза территориальнай политика министрі Михаил Побызаковха пирілген:
- Хакасия пазы чахиинаң сірерні прайзын аарлығ ӱлӱкӱннең алғыстабызарға чарадыңар. Кӧп кізінің чуртазы Илбек Ада чаада ӱзіл парған. Фашизм - ол уғаа хорғыстығ ниме, аннаңар пір дее ундударға чарабас... Таштып аалның чуртағӌылары Чиңіс кӱніне маңат тимнен салтырлар: орамалар арығ, концерт программазы пай.
Олох кӱн пастыхтар ікі ветеранны ӱлӱкӱннең алғыстааннар. Пастап Илбек Ада чаа араласчызы Анна Ивановна Ильиназар пар килгеннер. Пӱӱл ағаа 97 час толған. Чааға чиит хысты 1942 чылда ызыбысханнар. Ол, Ыраххы Востоктағы 749-ӌы зенитка-артиллерия полкына кіріп, Ада чир-суу ӱчӱн турысхан. Ибзер 1945 чылда ноябрь айда ла айланған. Кирі ууӌа амды хызынаң хада чуртапча. Аалӌыларны ӧрініснең удурлап, Анна Ивановна креслодаң даа тур полбинчатхан, кӱзі асхынах, неке. Ууӌа 97 частығ нооза.
Ікінӌі ветеран Вениамин Прокопьевич Шулбаев пісті тасхар удурлаан. 1969 чылда ол пасха чааӌыларнан хада Даманскай олтырыхта хыдаттардаң тоғыр чааласхан. Ол чаада 58 совет чааӌызы ӱреен, че ӱлгӱ чонға ол чаадаңар чоохтирға тың на маңзырабинчатхан. Нинӌе-де ле тус пазынаң прайзы Даманскай олтырыхта полған нимелердеңер піліп алған. Вениамин Шулбаев махачы тудынған ӱчӱн Слава орденнең сыйыхтатхан. Олаңай чуртаста хакас чонның оолғы юрист полып тоғынған. Тынағда даа полза, Вениамин Прокопьевич кинде сығарарға маңнанған. «Аал Анжуль» кинде - тӧреен чирінеңер, Аңчул аалнын кізілерінеңер, Хобый родынаңар.
Автор :
Тарина БУТОНАЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде