Кинофорум эксперттерi Хакасиязар читтiлер
14.05.2021
Хабарлар
Пӱӱн, 14 майда, Хакасияда Сибирьдегi чииттер кинофорумы пасталча. Ол пiстiң республикада ӱс кӱн иртер. Аның пöгiнi - кинематографист чолына наа ла кiрчеткен чииттерге хабас пирерi. Хайди алында искiрiлген полған, Сибирьдегi питчингте аралазарға тиксi 126 кiзiдең сурыныс пiчии кiрген. Че финалға 14 ле проект иртiп алған. Хакасияда иртчеткен Сибирьдегi чииттер кинофорумында, тiзең, öнетiн тöстелген эксперттер чöбi оларның иң артыхтарын таллир.
Ол аарластығ чарғыӌыларның санындағы продюсер, режиссер, Индиядағы Россия кинозы неделязының тöстегӌiзi Алам Сарфараз, продюсер, VITA AKTIVA PRODUCTION кинокомпанияның ööн директоры Юлия Мишкинене, Россиядағы паза СНГ-дағы Canon профессиональнай видео компаниязының кiзiзi Евгений Субочев, СТВ компанияның ööн редакторы Александр Архипов паза Россия кинематографисттерi пiрiгiзiнiң хачызы Михаил Калинин Ағбанзар пӱӱн иртен читкеннер. Аэропортта оларны, хакас чонның кибiрлерi хоостыра, айран-талған амзадып удурлааннар. Анаң пу чайаачыларнаң хада пресс-конференция ирткен.
Сибирьдегi чииттер кинофорумының тиксi тоғызынаңар "Хакас чирi" газетаның сайтында паза теестегi сығарыста хығырып аларға чарир полар.
Автор :
Тимнеен Александра Карамчакова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы