«Россия лидерлерi» марығда аралазыңар
14.05.2021
Хабарлар
«Россия лидерлерi» марығның «Информационные технологии» трекке сурыныс пiчiктерiн 17 майға читiре пирерге. Сурыныс пiчиин проекттiң сайтында пирерге чарир: https://лидерыроссии.рф/it2021.
Чоохтирға кирек, «Россия лидерлерi» марығ тӧртiнҷi хати иртче. Ол «Россия – оңдайлар хазназы» президент платформазының проектi полча. Аны пастыра кӱстенҷiк устағҷыларны тiлепчелер, оларға тилирге паза ӧзерге полысчалар. «Информационные технологии» трек, тiзең, саннығ технологиялар полызиинаң таңдағы чуртасты тӧстеп полар пӧзiк пiлiстiг специалисттернi табарға кӧстелген.
Марығда 55 час толдырғалах, iкi чыл азыра устағ орнында iстен салған чуртағҷыларға аралазарға чарир. Чиңiсчiлернiң Россияның искiрiглiг технологиялар паза инновациялар кӧстеенде иң артыхтарның чӧптерiнең тузаланар, хазнаның ӱлгӱ органнарынзар паза ведомстводағы пiрiгiстерзер тоғысха кiрер оңдай пар.
«Россияның лидерлерi» марығ нинҷе-де чардыхтаң пӱтче. Пастап араласчылар санға алылча, ол тус 17 майға теере кӧрiл парған, 20 майдаң 1 июльға теере ырахтын сыныхтағ тузы иртер, чайғы тоозылчатса, кӱскӱ пасталыбысса – марығның финалы. Суперфинал 2022 чылның март айына кӧрiлче.
Ӱс чыл аразына марығда 660 муң устағҷы араласхан, оларның 313-i чиңiсчi полыбысхан. Олар пӧзiк ӱгредiг программазын иртерiне алай наа профессия аларына пiрер миллион салковай грант алғаннар. Ӏдӧк оларға устағҷы кадрларының резервiне кiрҷең оңдай пирiлген.
Автор :
Тимнеен Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде