ТАХПАХЧЫЛАРНЫҢ ЧЫЛЫҒ ТОҒАЗИИ
09.06.2021
Хабарлар
Музей тоғызы. Сілкер айының халғанҷы тынағ кӱннерінде Сос пилтіріндегі музейде «Минің чӱреем сарнапча» мероприятие ирткен
Піс тахпахчыларның кибірліг кӧг чайаачызы толдырығҷыларының чыл сай иртчеткен «Айтыс» республика фестиваль-мариина ла чыылысчатханнарына кӧнік парғабыс. Пу наада, тізең, тахпахчылар пастағызын на пу мероприятиенең пасха орында чыылыстылар. Тоғазығда олар ӧӧн сурығларны ӱзӱргеннер, чоох-чаахнаң одырғаннар.
Чонның кибірліг чайаачызын хайраллапчатхан улус мыннаң мындар хайдағ пӧгіннер тутчатханнарынаң ӱлескеннер. Тахпахтың ӱлӱзіне теелбин пол полбааннар. Айтыс салар кибірні мыннаң мындар хайди хайраллап халарын ӱзӱргеннер. Тахпахтар салылған. Чылығ паза истіг кӧдірілген. Чир-суунаңар, Сос пилтіріндегі музейдеңер чылығ сӧстер музей тоғынҷыларына алғыстаснаң узарадылғаннар. Наталья Бурнакованың устаанынаң «Хағба» ансамбль пос сарыннарын толдыр пирген. Салтарында, пістің музейде чыл сай піди чыылыс турарға чарадылған.
Пу мероприятиені иртірерге полысхан ӱчӱн Наталья Бурнакованаң хада Людмила Ачитаеваа алғыс читірчем. Ідӧк Пётр Топоевті кӧг тиріглерінің кӧзідии паза чылығ сӧстер ӱчӱн алғыстапчам.
Автор :
Мария АЧИТАЕВА, «Сос пилтірі» тигір алтындағы азых музей устағҷызы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде