Ах чарыхтаң парыбысты уғаа чахсы кізі, ізестіг арғыс паза ӧӧре Лариса Кужугетовна ШОЙГУ
11.06.2021
Хабарлар
Ах чарыхтаң парыбысты уғаа чахсы кізі, ізестіг арғыс паза ӧӧре Лариса Кужугетовна ШОЙГУ.
Піс аннаң хада Россия Федерациязының Хазна Думазының ӱс хығыртииның депутаттары полғабыс, сыбыра тиңнең тиңе хаалачаңмыс, хада-пірге Хакасия паза Тува Республикаларының пӱдіріг, финанс, пасха даа сурығларын табырах пӧгібізерге харасчаңмыс, Россия чуртағҷыларының чуртазын чахсыландырар чӧптернең сыхчаңмыс.
Лариса Кужугетовна уғаа паарсах чӱректіг, прайзына полыс пирер кӧңніліг, позының кӧрізін алыстырбас хылыхтығ полған. Аның ӱчӱн депутаттар аразында аарласнаң тузаланчаң, аны улуғлачаңнар.
Тува чоны матап поғдархаҷаң Хазна Думазында оларның чир-суғҷызы, позының киреенде профессионал кізі, хазна сурығларын аларында, ӱзӱрерінде араласчатханына. Ол парчан кӱзін хазнабыс, Тува республика тилиріне салған.
Аның туған-чағыннарынаң улуғ хомзыныснаң ӱлесчеткенімні читірчем. Лариса Кужугетовна Шойгуның чарых омазы минің чӱреемде саңайға халар.
Надежда МАКСИМОВА, Хазна Думазының бюджетче паза налогтарха комитет кнезінің орынчызы
Ах чарыхтаң парыбысты Россияның саблығ имчізі, Россия Федерациязының Хазна Думазының депутады Лариса Кужугетовна ШОЙГУ
- Хакас правительствозының паза позымның адынаң Лариса Кужугетовнаның туған-чағыннарынаң, аны пілген паза хада тоғынған кізілернең улуғ хомзыныснаң ӱлесчеткенімні читірчем. Ол позының тоғызында ӧӧн профессионал полған. Піс аннаң хада республиканың сидік, ағырсымнығ суррығларын пӧгерінде араласчаңмыс. Лариса Кужугетовна регионға теелчеткен хайдағ даа суығларны позының хайиинаң позытпачаң, оларны пӧгерінде ӧткін араласчаң. Хайдағ улуғ чідіріг. Мындағ аар туста туған-чағыннарына пик тудынарға кирек. Піс сірернең хада чобалчабыс, - таныхтаан Хакасияның пазы Валентин Коновалов.
Лариса Шойгу Хазна Думазының депутадына 2007 чылдаң табыл сыххан. 2016 чылда 18 сентябрьда ол Хазна Думазынзар Хакасиядаң, Тувадаң паза Хызылчар крайынаң табылған. Хазна Думазында регламентче паза организационнай тоғысча комитет кнезінің орынҷызы полған. Ағаа 68 час полған.
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде