ПРАВИТЕЛЬСТВО ПАСТАҒЛАРЫ ТАНЫХТАЛДЫ
16.06.2021
Хабарлар
Тоғазығ. Хакасия пазы Валентин Коновалов Хазна Думазының депутады Сергей Соколға республика правительствозы турғысчатхан сурығларны паза пастағларны читір пирген паза оларны пӧгер оңдайларны таныхтаан
Тоғазығда таныхталған сурығлар-ны паза пастағларны федераль-най законнарға алызығлар киріп ле пӧгерге чарир. Хакасия пазы Валентин Коновалов Россияның Хазна Думазының Хакасиядаң, Хызылчар крайынаң паза Тувадаң табылған депутады Сергей Соколға анзын чарыт пирген. Чоохтирға кирек, сағам ол тоғысты апарарында араласчалар Федерация Чӧбіндегі паза Хазна Думазындағы Хакасияның кізілері Надежда Максимова, Валерий Усатюк, Александр Жуков, ідӧк Лариса Шойгу улуғ тоғыс апарған. Сергей Сокол, тізең, Хазна Думазында экономика политиказынҷа, промышленностьча, нап-наа тилісче паза пос киреенҷе комитетке кірче. Республика устағчызынаң тоғазар пастағнаң ол позы сыххан паза регионның сидіксіністерін пӧгеріне хозыларға тимдезін искірген.
Регион правительствозы чарасчатхан пастағларның пірсі - сӧп-сап айланызынҷа федеральнай законға алызығлар киріп алары. Амғы оңдай сӧп-сап айланызының прай сариларын санға албинча, ол санда чирде чуртапчатханнар кӧп квартиралығ туралардағылардаң тиң тӧлебеске кирек, оларға сӧп-сапты сығарған на ӱчӱн тӧлирге чарадардаңар чоох парча.
Ӧкіс олғаннарның чуртха теезін хызырары ӱзӱрілгенӧк. Хакасия правительствозы пу программача федеральнай бюджеттең пирілчеткен ахча синін ӧскірердеңер сурығны пір ле хати кӧдірбеен. Республика чыл сай пу кӧстеге кӧптең кӧп ахча позытча, че теесті чабызар ӱчӱн прай 2,5 миллиард салковай киректелче. Аннаң пасха, Хакасия правительствозы ӧкістерге чурт пирерінче программаны нацпроектке кирерінҷе чӧпнең сыхча.
Хазна Думазы депутаттарынаң палғалыстығ сурығ паза регион ӱлгӱлерінің пастаа - республика бюджедінзер хара тасты анирына налогтаң тӧлеглер синін паза НДПИ синін ӧскірері. Аның ӱчӱн федеральнай налог законнарына алызығлар кирерге кирек.
Правительствоның Хакас-Минсуғ ойымының чуртағҷыларына, кем алынҷа тураларын чарытхы полызиинаң чылытча, льготалығ паа турғызарынҷа пастаа ідӧк хазна хабазиин киректепче.
Удаа тоғаспинчатхан ағырығлығ кізілерге льготалығ имнер аларынҷа хазна программазына федеральнай бюджеттең ахча позыдарын ӧскірерінҷе, чаа палаларынаңар законны, хайда хабазығ кӧрімнері чарадылар, аларынча правительство пастағлары ідӧк Хазна Думазы депутаттарының хайиин киректепче.
Ідӧк республика ӱлгӱлері пасха регионнарнаң хада бюджеттерін тиңниріне дотацияларны ӱлестірчең федеральнай методиканы тӱзедердеңер сурығны кӧдірче. Амғы тоғынчатхан оңдай бюджеттернің тиңни нимес тӧстелгенін читіре пӧкпинче. Хакасияның ӱлгӱлері хазна правительствозынзар, Хазна Думазынзар пу сурығча пір ле хати айланмааннар.
Валентин Коноваловнаң тоғазып, Сергей Сокол регион пазына пу сидіксіністерҷе, республика правительствозының пастағларынҷа паза чуртағҷылар кӧдірчеткен сурығларча, ол санда Хакасия адынаң тоғынчатхан депутатнаң паза сенаторларнаң пірге тоғыс апарарға тимдезін искірген.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде