Хакасияа - 674 миллион салковай
19.06.2021
Хабарлар
Россияның финанстар министерствозы Хакасия правительствозының республикаа хоза ахча пирердеңер сурынызын толдырыбысхан. Iди федеральнай кiнде Хакас Республикаа 674 миллион салковай позыдардаңар чарадығ алыл парған. Амды республика учреждениелерi, муниципальнай пӱдiстердегi школалар паза олған садтары тоғынӌылары аванс паза отпуск ахчазын толдыразынаң алып аларлар. Оларға ахча 22 июньнаң сығара тöлелiп пастир.
Таныхтирға кирек, мындағ чарадығ алып алар ӱчӱн Хакасия федеральнай кiннең öткiн тоғынған. Республика устағӌызы, пу сурығны пöгiбiзерге тiп, региондағы финанстар министерствозының устағ-пастааның кiзiлерiн Москвазар полған на сай ыс турӌаң. Мындағ искiрiг Хакасия правительствозының порталында пирiлче.
Автор :
Тимнеен Александра Карамчакова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде