СЫНЫХТАҒЛАР САЛТАРЫ
23.06.2021
Хабарлар
ЕГЭ-2021. Хакасияның 11 класс тоосчатхан тоғыс ӱгренӌізі орыс тілінең хазна сыныхтаан 100 баллға тудыбысхан
Ол Алина Чупрова, Алиса Дзюба, Анастасия Шанова (Харатастағы лицей), Вероника Панарина (Ағбандағы 20№ школа), Виктория Богданова (Ағбандағы 12№ школа), Дарья Сиротинина (Ағбандағы 1№ школа), Наталья Милюхина (Саяногорсктағы 6№ школа), Олеся Николенко (Ағбандағы 9№ школа) паза Софья Кирпичникова (Алтай аймааның Хубачардағы школа).
Пӱӱл орыс тілі предметтең сыныхтағны 2495 ӱгренҷі тутхан. Ідӧк экзаменні школаны ирткен чылда тоосхан паза ортын профессиональнай организацияларның студенттері ирткеннер. Ӱстӱнде адалған олғаннардаң пасха 90 азыра баллны 240 ӱгренчі алып алған.
18 июньда школа тоосчатхан 830 оол-хыс ЕГЭ-ны биология паза пасха хан тілі предметтердең пасханнар. Биологияҷа салтарлар 30 июньға теере пілдістіг пол парар, пасха хан тілінең - 5 июльға. Ідӧк пу неделяда республиканың 242 ӱгренҷізі пасха хан тіллері предметтең сыныхтағ тутханнар («чоохтазығ» чардых).
- Пірге хазна сыныхтағлары Хакасияда тоозылчалар тиирге чарир. 24 паза 25 июньда чииттер экзамен тударлар. Таныхтирға кирек, пу чылдаң пасти пу предметтең экзамен компьютер пастыра ла иртірілче. 0лғаннарңың хазиин хайраллап халар ӱчӱн, экзамен ікі кӱнге чарыылған. Пӱӱл пірге хазна сыныхтағлары тузында техника сайбалбаан паза ӱгренҷілер постарын ңандырығлығ тудынғаннар, чоохтапча Хакасияның ӱгредіг паза наука министерствозынын тиксі ӱгредіг пӧлиинің пастығы Ольга Свириденко.
Пу понедельникте ідӧк математика предметтің салтарлары пілдістіг пол парған. Ағбандағы 29№ школаның ӱгренҷізі Александр Худяков ЕГЭ-ны 100 баллға тудыбысхан. Ідӧк республиканың ікі ӱгренҷізі 90 баллдаң азыра алып алған.
Автор :
Тимнеен Оксана СУНЧУГАШЕВА
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде