Пӱклее чонның иммунитедiн тöстирi
14.07.2021
Хабарлар
Коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың теестегi чыылии ирткен. Халғанӌы суткадағы танығларнаң республикада коронавирус чуғынӌах ағырығнаң 176 кiзi ағырыбысхан. Хазыхтанып алғаннарның саны 134 кiзее тиңнiлче. Стационарларда имнег иртче 4285 пациент. Ибде наа чуғынӌах ағырығнаң имненчеткеннернiң саны 3110 чуртағӌы. Ирткен суткада республикада коронавирус диагностығ тоғыс кiзi ӱреен.
Республикада коронавируснаң ағырчатханнарның саны öсчеткеннеңер, имнег учреждениелерiнiң тоғынӌылары отпуск чох, кöрiлген частарның артых тоғынчалар. Муниципальнай пӱдiстернiң устағ-пастаа, идiнӌектер, организацияларның устағӌылары паза республиканың полған на чуртағӌызы пӱклее чонның хазиин тыытчаң оңдайларға тоғынарға киректер. Аннаңар республиканың полған на чуртағӌызы вакцинацияда öткiн аралазарға кирек. Iдöк Хакасия пазы Валентин Коновалов маска режимiне, кöп чон аразында 1,5 метр дистанция тудынарға паза хол сыбыра чуурға чахаан.
Автор :
Тимнеен Наталья Тюкпеева.
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы