СИГӀС МУҢ ВАКЦИНА КИЛЕР
23.07.2021
Хабарлар
Республикада коронавирус чуғынӌах ағырығ тарапчатханынаң тоғыр кӱрезерiнӌе штабтың теестегi чыылии ирткен.
Халғанӌы суткадағы танығлардаң, республикада наа чуғынӌах ағырығнаң 177 кiзi ағырыбысхан. Хазыхтанып алғаннарның саны 345 кiзее тиңнiлче. Имӌiлер хайиинда 11485 кiзi, олар ағырчатхан кiзiнең контактта полғаннар. Ибде коронавирус чуғынӌах ағырығнаң исненчеткеннернiң саныи 3881 чуртағӌы.
Стационарларда 1246 пациент, 22 кiзi ИВЛ-да. Пандемия пасталғаннаң коронавирус диагностығ 706 республика чуртағӌызы ӱреен. Халғанӌы суткада - 4. Пӱӱнгi кӱнде Хакасияда коронавирустың тоғыр вакцинаның пастағы чардығын 123339 чуртағӌы турғыстырып алған, iкiнӌi чардығыни - 81430 кiзi. Iдöк оперштабта искiрiлген, килчеткен неделяда республиказар 8 муң вакцина дозазы килер. Прививка турғыстырарға сағынчатханнар орындағы имнег учреждениязар айланып , вакцинация ирт полар.
Хакасияның имнег учреждениелерiнде коронавируснаң ағырчатхан кiзiлернi чатырӌаң 1496 орын тöстiлген. Оларның 1305 орғанда кiзi чатча, 191 орған пос.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы