6 кізі ӱреп парды
07.08.2021
Хабарлар
Хакасияда COVID-19 ағырығны хаптырған 6 кізінің ӱреені киречілелген. 80, 81, 82, 86 частығ ипчілер паза 62, 78 частығ иреннер ӱреен. Чыл пасталғаннаң республикада пу ағырығдаң тиксі 429 кізі ӱреен.
Пӱӱн Хакасияда «коронавирус» диагнозтығ 364 кізі имненіп алған, 2021 чыл пасталғаннаң 13 361 кізі чуғынӌах ағырығдаң озып алған.
7 августта наа чуғынӌах ағырығны 174 кізі хаптырып алған, ол санда Ағбанда – 69, Харатаста – 28, Саяногорскта – 20, Асхыс аймаанда – 16, Ағбан пилтірі аймаанда – 15, Алтай аймаанда – 7, Абазада паза Пии аймаанда - 5-ер, Шира паза Орджоникидзе аймахтарында - 3-ер, Таштып аймаанда - 2, Боград аймаанда - 1,
Кискектеп, имнег туразынзар 42 кізі айланғанда паза 29 кізі пневмонияа сыныхтанғанда, коронавирусты хаптырғаны сығысхан. Ибдегілердең 71 кізі чухтырған, тоғыста - 16 кізі. Кöрілген сыныхтағ тузында 6 кізінің ағырчатханы таныхталған. Пос кöңнінең сыныхтанған 1 кізінің ағырығ сығысхан. Россияның пасха субъекттерінең паза хырығ озаринаң ағырығны 9 кізі ағылған.
Чыл пасталғаннаң Хакасияда COVID-19 ағырығны 13 963 кізі хаптырған. Ағырығның тарапчатхан сині - 1.
Пӱӱнгі кӱнде ағырғаннарнаң хада палғалысхан 4 193 кізі имӌілер хайиинда. 6237 кізі ибде имненче, имнег тураларында - 1128, ол санда ИВЛ аппарадынаң 21 кізі тынча.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде