АРМИЯДАҢ ПОЛЫЗЫҒ СУРҒАН
11.08.2021
Хабарлар
ВЕЛИКОБРИТАНИЯ. Пу хазнаның правительствозы армиязар айланған, садығ тураларында ас-тамах чидіспинібіскенде. Анда у чиис тартар шоферлар чидіспинібіскенінең палғалыстығ. Сананыстар хоостыра 100 муңӌа шофер кирек. Мында коронавирус ағырығ ла пыролығ нимес, че ідӧк Великобритания Европа пірігізінең сыххан сылтаанда кӧп специалист пасха хазналарзар парыбысхан.
Амды правительство армиядаң 2 муңӌа водитель сурабысхан. Олар садығ тураларынзар чіӌең нимелер, иң кирек ниме-ноо, ол санда имнерні тарадарлар.
ГАРАЖТА ТАНК ТАБЫЛҒАН
ГЕРМАНИЯ. ФРГ-да олаңай нимес чарғы ирткен. Анда Клаус-Дитер Ф. аттығ пенсионер, гаражта ухтар, тиріглер, ол санда, чаа тузындағы бронетехниканы паза 1944 чылдағы «Пантера» танкты хайраллаан ӱчӱн, 14 ай сыныхтағлығ тусха, ідӧк 250 муң евро штраф тӧлирге чарғылабысханнар.
Пенсионернің гаражынаң «Пантера» танкты, 88 миллиметрліг зенитканы, торпедоны, 55 миллиметр калибрліг минометты паза даа пасха тиріглер, патроннар сығарғаннар.
Итсе, аның танк парын прайзы пілген, аннаң ол поғдархаӌаң. Чылда нинӌе-де хати пенсионер «Пантераны» тоғындырып, хысхыда харны арығлаӌаң, хонӌыхтарға ағастарны ходыра тартарға полысчаң.
«Российская газета»
Автор :
«Известия»
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде