Табығлар-2021. Партиялар аразында кӱрезіг тыып сыхханы ӱзӱрілген
11.08.2021
Хабарлар
11 августта Хакасияның Халыхтар палатазы эксперттері Росссияның Халыхтар палатазының ӱн пирісті халыхтар саринаң сыныхтағда тударынҷа координационнай чӧбінің кнезі Максим Григорьевтің аймах синдегі табығларда партиялар аразындағы конкуренциядаңар сан пирізін ӱзӱргеннер. Сан пирістің ӧӧн чардыхтарынаң Хакасияның Халыхтар палатазының кнезі Ольга Левченко таныстырған.
1 августха пирілген саннарҷа табығларда 30 политическай партияның табығларда аралазар оңдайы пар. Россияда аймах синдегі табығларға 26 политическай партиядаң кандидаттар сығарылған. Табығ кампаниязында партияларның 85%-і араласча.
Россияның Хазна Думазы депутаттарына табығларда 35№ пір мандаттығ Хакас табығ округынҷа 17 кандидат (пос позын сығарған 8 кандидат паза партиялардаң 9 кандидат) сығарылған. Тиңнестіріге, 2016 чылда тиксі 8 кандидат полған.
Ағбан пилтірі аймаа пазына табығларда 12 кандидат сығарылған. Абазаның Депутаттар чӧбіндегі 15 орынға 39 кандидат сыххан.
— Пу саннар Хакасияда политическай кӱрезіг хазыр поларын киречілепчелер, кандидаттар кӧп полғаны сылтаанда. Анзынаң пасха наа партиялардаң кандидаттар пар пол парған, — искірген Халыхтар палатазының кнезі Ольга Левченко.
Партияларның табығларға тимненіс сині ӧсче — партия списоктарын санға аларына тоғырланыстар саны ас тӧбін. Ӏдӧк партиялар сығарчатхан кандидаттар саны ӧсчеткеніне табығ комиссияларның азынада сизіңдірҷең тоғызы чахсы теелче. Олар пічіктерні олаңай ла сыныхтабинчалар, партияларға чӧптер пирчелер, табығ законодательствозына прай килістіре полар ӱчӱн.
— Хазна Думазы депутаттарына табығларда піс ікінҷелес чох партилар аразында конкуренция ӧс сыхханын кӧрчебістер. Аннаңар Хазна Думазынзар табығ кампаниязы тузында провокациялығ технологиялар, ол санда хабарлар искірҷең сферада, тузаланыл сығар тіп хорғыс пар, — таныхтаан Хакасияның Халыхтар палатазының кнес орынҷызы Ирина Шаповаленко.
Хакасияның Халыхтар палатазы Россияның Хазна Думазы депутаттарына табығларда ӱн пиріс иртірер туста чуртағҷыларның табығ правозын арачылир, табығларны азых идер, тайма искіріглер тарапчатханын тохтадар кӧстегнең Халыхтар штабын тӧстеен. 17 сентябрьдаң 19 сентябрьға теере Халыхтар сыныхтаа кінінде ӱн пиріс хайди парчатханын паза УИК-терде, ТИК-терде, хайзыларын видео пастыра кӧрерге чарир полар, ӱн пиріс салтарлары иділчеткенін сыныхтағда тударлар. Анзынаң пасха кінде «ізіг линия» тоғынар, прай муниципальнай пӱдістердегі сынытағҷыларның тоғызынаң устирлар, хабар таратчаң средстволарның мониторингін иртірерлер. ӱзӱрігліг материаллар табығҷыларға чапчаң читіріл турар.
— Піс сидіксіністіг орыннарны ілезіне сығарғабыс — ол Интернетте тайма хабарлар таратханы, ӧӧнінде ӱн пиріс кӱннері тузында, кӧзідімге табығ бюллетеньнерін хайраллаҷаң сурығларҷа; сын нимес агитация материалларын паза анонимнай материалларны таратханы, хайзылары кандидаттарны паза партияларны хомай саринаң кӧзітчелер, — салтарлар иткен Юлия Константинова, Хакасияның Халыхтар палатазының кізізі.
Халыхтар палатазы Хазна Думазы депутаттарына табығларда чуртағҷыларның табығ праволарын арачылир кӧстегнең Хакасия правительствозынаң паза Табығ комиссиязынаң, Росссияның тӧрт политика партиязынаң, 19 коммерческай нимес пірігіснең паза халых сыныхтағҷылары комиссиязынаң хада чӧптезіглер ит салған.
Автор :
Анастасия Соленникова, Хакасияның Халыхтар палатазының эксперті
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде