Хазна Думазы депутадына кандидат Агафья Лыковазар учух чöргенiн сыныхтирға сурынчалар
12.08.2021
Хабарлар
Социальнай сетьтерде Агафья Лыкова чуртапчатхан орынзар "Хакасский" заповедник директоры Виктор Непомнящий паза Хазна Думазының депутадына кандидат Сергей Сокол учух чöргенiнеңер искiрiг сығыс килген.
Хакасияның чир-чайаан ис-пайы паза экология министерствозы кöзiдiлген кiзiлер табығ кампаниязы тузында должностьтарынаң иртiре тузаланғанына тööй нимелернi кöрче. Кöзiдiмге, хазна собственнозында полған вертолетнаң тикке алай льготалығ тузаланғанын. Республика министерствозы пу кирек хоостыра Россияның чир-чайаан ис-пайы паза экология министерствозынзар айланыс ысхан:
- чорыхтың кöстее хайдағ полғанын чарыт пирерге, кем ол чорых ӱчӱн тöлеенiн, хаӌан ол чорых полғанын, iдöк "Хакасский" заповедник директоры Виктор Непомнящий Хазна Думазы депутадына кандидат Сергей Соколнаң паза аның оолғынаң хада пу орыннаң пасха хайдар учух чöрген;
- вертолет бортынаңар, хайзынаң ол чорых толдырылған, кем аның ээзi полчатханынаңар, паза Хазна думазы депутадына кандидатха учуғыс полызығлары хайдағ оңдайнаң пирiлгенiн (тöлеге (кандидаттың табығ чыындызынаң тöлелiп) алай тикке).
Автор :
Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде