ХАРА ТАС ТАРТАРЫНА - ТИҢ ОҢДАЙЛАР
27.08.2021
Хабарлар
Тоғыс чорығы. Хакасия пазы Валентин Коновалов Москвада Россияның энергетика министрі Николай Шульгиновнаң тоғасхан
Чыылығның ӧӧн сурии, анда ідӧк Россияның монополиядаң тоғыр федеральнай службазының, «РЖД» ОАО-ның паза регионның хара тас аныпчатхан предприятиелерінің кізілері араласханнар, хара тасты іскер саринзар апарарынҷа сидіксініс полған.
Хакасияның хара тас промышленнозы предприятиелеріне Іскеркі полигонның тимір чол инфраструктуразынзар чол чабых. Республикада хара тас анылча, че аның чардығы сығара тартылбинча, садылбин, складтарда чатча. Салтарында республика бюджеді налогтарны читіре ал полбинча, анзы республикадағы чуртас-экономика программаларын чуртасха кирерін сидіксіндірче. Іди пу чылның 6 айына Хакасиядаң 3,9 миллион тонна хара тас апарылған, анзы 2020 чылның 6 айы (7 миллион тонна) синінең 55%-ке тӧбін. Пу чылның июльында, тізең, ирткен чылның июльынаң тиңнестірзе, хара тас апарары 70%-ке хызырыл парған. Хакасиядаң хара тасты апарары мындағох тӧбін синде халза, республика бюджеді 2,6 миллиард салковай читіре ал полбас.
Пу сурығны федеральнай кін араласханы чох пӧк полбассың. Хара тасты таарлирынча паза таарлағларны тартарынҷа планнар итчең методика алынҷа регионнарның пасхалалчатхан сариларын санға аларға паза тиң оңдайлар тӧстирге кирек.
- Тоғазығда хазнаның прай регионнарына, ол санда Хакасияа, хара тас тартарынча тиң оңдайлар тӧстечең хаалағлар кӧріл парған, - тоғазығның салтарларынаңар чоохтап пирген Валентин Коновалов.
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде