ЧИҢІСЧІЛЕРГЕ - СЫЙЫХТАР
27.08.2021
Хабарлар
Иң чахсы школалар. «Региондағы кічіг ааллардағы иң чахсы школа» республика марииның чиңісчі школаларына сыйыхтар читірілген
Ағбанда Н.Ф.Катановтың адынаң национальнай гимназия-интернатта Хакасияның ӱгредіг паза наука министрінің орынҷызы Юрий Сагалаков кічіг ааллардағы школалар аразындағы республика марииның чиңісчілеріне дипломнар паза сыйыхтар читірген. Пу марығ «Хакас Республикада кічіг аалларны хайраллиры паза тилідері» регион программазы хоостыра ирткен.
Чоохтирға кирек, марығ салтарлары ирткен ӱгредіг чылы тоозылчатханда кӧріл парғаннар, че, эпидемиология хатығластары полып, сыйыхтар читірері соона чылдырылған.
Іди чиңісчілер полыбысханнар: «Ӱгредіге наа технологиялар паза оңдайлар кирері» номинацияда чиңіс тутхан Таштып аймааның Чоғархы Сиидегі пасталығ школазы; «Социальнай ӧткін хайыныс» номинацияда чиңісчі полыбысхан Шира аймааның Тоғыр чул аалдағы ортымах школазы.
Марығда ӧткін араласхан ӱчӱн дипломнарнаң таныхтатханнар: Асхыс аймааның Хааң кӧлдегі пасталығ школазы паза Ӧӧк ахсы аалдағы пасталығ школазы, ідӧк Алтай аймааның Смирновкадағы пасталығ школазы.
- Пу марығ Хакасияда кічіг ааллардағы школаларға полызарға паза андағы ӱгретчілерге тоғынарға истіг ползын тіп иртірілген, - таныхтаан чооғында Юрий Сагалаков.
Чиңісчілерге ідӧк ноутбуктар, принтерлер паза пасха даа оргтехника сыйлалған.
Автор :
Хакасияның ӱгредіг паза наука министерствозы
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде