140914 кiзi прививка турғыстырып алған
27.08.2021
Хабарлар
Хакасия правительствозындағыкоронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың теестегi чыылии ирткен.
Ирткен суткада республикада коронавируснаң 147 кiзi ағырыбысханы iлезiне сығысхан. Хазыхтанып алғаннарның саны 423 кiзее тиңнелче. Имӌiлер хайиинда 4857 кiзi, олар ағырчатхан кiзiнең палғалыста полғаннар. Ибде наа чуғынӌах ағырығдаң имненчеткеннернiң саны 2476 чуртағӌы. Имнег тураларында 688 пациент, 10 кiзi - ИВЛ-да. Чыл пасталғаннаң республикада 544 чуртағӌы ӱреен, халғанӌы суткада - 11 кiзi.
Тиксi Хакасияда коронавирустаң тоғыр вакцинаның пастағы чардығын 160796 чуртағӌы турғыстырып алған, iкiнӌi чардығын - 140914 кiзi. Россияда пiчiкке кирiлген тöрт вакцинаның прайзы республиканың имнег организацияларында пар. Прививка турғыстырарға сағынчатханнар, орындағы имнег туразынзар айланып, прививка турғыстыр полар.
Имнег тураларында чатырылчатханнар саны синчеткеннеңер, Хакасияның имнег учреждениелерiнде ковид пöлiктерiнде 400 чатчаң орған хызырылған. Пӱӱнгi кӱнде республикада тиксi 1090 чатчаң орған пар, 738 орғанда чатчалар.
Iдöк оперштабта искiргеннер, республиказар кислород тимнеӌең iкiнӌi аппарады килген. Пастағызы Саяногорсктағы имнег туразында тоғынча. Килген аппаратты Г.Я.Ремишевскаяның адынаң республиканың имнег туразында турғызылар.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде