ПІЛІС СООНӋА - ШКОЛАЗАР
01.09.2021
Хабарлар
Піліс кӱні. Пӱӱн Хакасияда школаа 70 муң азыра пала парча. Пастағы классха, тізең, 8 муң азыра олған. Иң кӧп ӱгренӌі -Ағбанда
Тимур Карамчаков Ағбандағы 22 № школада ӱгренер. Аның ӱгредіг чылына улуғ пӧгіннер. Ол анда бассейнзер чӧрерге, химия урогында лаборатория тоғыстарын толдырарға сағынча. Оолах аймах опыттарнаң айғазарға хынча одыр.
- Опыттар турғызар алнында чахсы піліс кирек, - сизіндірче ол.
Физика паза химия уроктары пасталығ класстарда иртірілбезе дее, Тимур пасха предметтерӌе піліс аларын чидікпин сахтапча.
Юнна Килижекова, тізең, пӱӱл ідӧк 1-ғы классха парды. Ол Харатас городтағы 19 № школада ӱгренер. Хызыӌах олған садында хоос кружогына чӧрген, хынған киреен ол школада узарадарға пӧгінче.
- Мин чахайахтарны, айас тигірні хоостирға хынчам. Ідӧк мині пабам шахмат ойнирға ӱгрет салған. Амды піс ибде шахмат ойнапчабыс. Мин пабама сыбыра утыр салчам, че іҷемні чиңіп алчам. Школаа чӧрзем, анда пілізімні алғыдам, анаң пабама даа сыданам, - сағызынаң ӱлесче 1-ғы класс ӱгренӌізі Юнна Килижекова.
Автор :
Оксана СУНЧУГАШЕВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы