ШКОЛАЛАР, ОЛҒАН САДТАРЫ. АРАЛАЗЫҢАР!
01.09.2021
Хабарлар
Марығ. «Хакас чирі» газета республиканың ӱгредіг учреждениелері аразында «Хакас тілі кӱні - минің школамда» сомнар мариин чарлапча.
Хакасияда пӱӱл Хакас тілі кӱні пизінӌі хати таныхталар. Пастағызын аны 2017 чылда пайрамнаабыс. Чоныбыс ӱлӱкӱніне чарыдып, «Хакас чирі» газетаның редакциязы школалар аразында «Хакас тілі кӱні - минің школамда» сомнар мариин чарлапча.
Марығ араласчыларына, школада алай олған садында Хакас тілі кӱні хайди пайрамналчатханын сомға суурып, иң чахсы сомнарны «Хакас чирі» газетаның электроннай почтазынзар stranahabar@mail.ru адресче ызарға чарир. Сомнарны ӱртӱн айының 30-ӌы кӱніне теере алчабыс.
Марығда пір чиңіс паза ікі сыйыхтығ орын кӧрілче. Салтарлар чарыс айының 8-ӌі кӱнінде «Хакас чирі» газетаның теестегі сығарызында сығарылар. Редакция чиңісчілернең позы палғалызар.
Марығ араласчыларына хоза искірерге киректелер: араласчының адын: школа алай олған сады араласчатса, ӱгредіг учреждениезінің адын, ӱгретчі алай ӱгренӌі полза, толдыра ады-солазын, кем полчатханын (хайдағ предмет ӱгретчізі алай хайдағ класстың ӱгренӌізі), сомдағы мероприятиедеңер хысха искіріг: кем иртірген, аның пӧгіннері паза салтарлары.
Автор :
«Хакас чирі» газетаның редакциязы
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы