Владимир Штыгашев чонзар айланмаан
15.09.2021
Хабарлар
Аннаңар Хакасияның Ööркі Чöп кнезі Владимир Штыгашев пӱӱнгі президиум чыылиинда чарлаан. Республика пазы Валентин Коновалов аның чооғынаңар социальнай сетьтердегі страницазында пасча:
“Киӌее республикада Хакасияның Ööркі Чöп кнезі Владимир Штыгашев хол салған агитация пічіктері сығысхан. Владимир Николаевич, тізең, Хазна Думазының депутадына орындағы нимес кандидаттарның пірсіне ӱн пирерге хығырчатхан хырыс-табыстығ чаӌыннаң палғалыстығ полбинчатханын искірген паза ол чаӌыннарны фейк адаан. Ол пу кирекнең право хайраллаӌаң органнар айғазарға киректер тіп таныхтаан.
Хакасияның Ööркі Чöп президиумының чыылиинда законнарға тудынарға хығырған, пірге ӱн пирчең кӱнде, тізең, табығ участогынзар килерге паза гражданиннің “öдізін” толдырарға хығырған.
Мин Владимир Штыгашевнең удаа чоохтасчам. Халғанӌызын пӱӱн иртен чоох алысхабыс. Пілчем, ол орындағы, республикада хаӌанох чурттығ, хакас чирінең пик палғалыстығ паза Хакасияның сурығларын пöгерге чочынминчатхан политиктерге хабасча”.
Автор :
Тимнеен Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы