ТОС-тарға 4 миллион салковай пирiлер
18.09.2021
Хабарлар
Хакасияның национальнай паза территориальнай политика министерствозы орыннардағы халыхтарның пос устаныстарның (ТОС) пастағларына хабазар пӧгiннең гранттар пирерiнҷе 2021 чылда марығларны узаратча.
Марыға читi проект сығарылған:
«Площадь юбилейная» Алтай аймаандағы Кӧк хайа аалдағы «Маяк» ТОС-тың проектi;
«Чурта, ӧңнiн, аалым!» Таштып аалдағы «Инициатива» ТОС-тың проектi;
«Чӧрiм – ол чуртас» Асхыс аймаандағы Палыхтығ суғ аалдағы «Крестьянская жизнь» ТОС-тың проектi;
«Чоғархы Хурлуғас аалда хара суғзар автомобиль чолын пӱдiрерi» Таштып аймаандағы Индiркi Сир аал чӧбiндегi «Чоғархы Хурлуғас» ТОС-тың проектi;
«Мирный ТОС-тың чирiнде орныхчатхан олған площадказын иптирi» Абаза городтағы «Мирный» ТОС-тың проектi;
«Спорт-ойнаҷаң алғым площадка» Палыхтығ суғ аал чӧбiндегi «Сибиряк» ТОС-тың проектi;
«Сердцу милый уголок» Алтай аймаандағы Ызых аалдағы «Изыхское Содружество» ТОС.
Хакасия правительствозының чарадиинаң, турғызылған гранттар пирер оңдайлар хоостыра «Изыхское Содружество» ТОС-тың сурынызы марыға кирiлбеен.
Пирiлчеткен гранттарның тиксi тӧлии – 4 миллион салковай. Олардаң 2 миллион салковайны Президент гранттары фонды позытхан, 2 миллион салковай – республика бюджедiнең. Марығ салтарлары «Электронный бюджет» пiрге порталда паза Хакас Республиканың толдырығ хазна ӱлгӱзiнiң официальнай порталында пӱӱл 19 октябрьға теере сығарылар.
Автор :
Светлана Астанаева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы