Ӱртӱн тойы хайди иртер ни?
24.09.2021
Хабарлар
Пӱӱн Хакасия пазының орынӌызы Ирина Пономарева, коронавируснаң кӱресчең сурығларны ӱзӱрiп, штаб чыылиин иртiрген.
24 сентябрьға республикада ковидтең 99 кiзi чазыл парған, 121 кiзi чухтырып алған. Иң кöп ағырыбысханнар Ағбанда - 51 кiзi, Харатаста - 20 кiзi, Саяногорскта - 15 кiзi. Чыл пасталғаннаң регионда 20539 чуртағӌыда наа ағырығ табылған. ИВЛ аппаратта 15 кiзi чатча.
Хомзынысха, ковид кӱннiң сай кiзi чуртазын ӱсче. Пiр сутка аразына республикада 7 кiзi, чабал ағырығны ас полбин, ах чарыхтаң парыбысты. Чыл пасталғаннаң пу хомзыныстығ сан 711 кiзее чит парған.
Коронавирусты вакцинация ла тохтадып алар. Че халғанӌы кӱннерде аны асхынах кiзi турғыстырча. Ағаа хоза, ОРВИ ағырығ тарап сыхты.
Ковид хайынчатханда, Ӱртӱн тойы ӱлӱкӱн хайдағ оңдайда иртiрiлерi ам даа пiлдiстiг нимес. Аннаңар понедельниктегi оперштабта чоохтазарлар.
Автор :
Татьяна Тютюбеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы