ЖКХ полномочиелерiн аймахтар синiне пирердеңер закон проектi ӱзӱрiге чит полбаан
29.09.2021
Хабарлар
Ööркi Чöптiң пӱӱнгi сессиязының ööн сурығларының пiрсi ЖКХ сферазындағы полномочиелернi аал чöптерi синiнең аймахтар синiне пирердеңер закон проектi полған. Закон проектiн республика прокурорының тоғызын толдырчатхан Андрей Мошков сығарған, закон проектiне хабазарға республиканың аал чöптерiнiң пастары килген полза даа, пу сурығ ӱзӱрiг синiне дее чит полбаан.
Таныхтирға кирек, пу сурығ Ööркi Чöп ӱзӱриине ӱзiнӌi хати сығарылча. Полған на сай аны хоостыра таластар iзiг парча. Аймахтар пастары хаӌан-да ЖКХ полномочиелерiн аал чöптерiне чылдырыбызып, оларны нандыра аларға хынминчалар. Че пу хати харбазығ улам тың парған.
Пастағы ӱн пирiснең закон проектi ӱзӱрiге чит полбаан. Аал чöптерiнiң сарин Хакасия пазы Валентин Коновалов паза Ööркi Чöп кнезi Владимир Штыгашев алған соонаң пу сурығӌа хати ӱн пирерге паза ӱн пирiстi азых оңдайнаң иртiрерге чаратханнар. Че закон проектi пазох ӱзӱрiге сығарар ӱн чыып полбаан: ӱчӱн - 24, тоғыр - 12, тудыныбысхан -10.
Сессияа килген аал чöптерiнiң пастары амды Ööркi Чöп аппарадынаң пiчiктi сахтапчалар: кем хайди ӱн пиргенiн кöрiп алар ӱчӱн - табығӌыларынаң тоғыр ӱн пирчеткеннернi пiлерге кирек нооза.
Автор :
Альберт Толмашов
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде