Валерий Старостин табығлар салтарларынаң чараспин чарғаа пирче
30.09.2021
Хабарлар
Хайди искiрче РТС телекомпания, Хазна Думазынзар табығларның салтарларынӌа iкiнӌi орында пол парған Валерий Старостин ӱн пирiстiң салтарларынаң чараспин чарғызар айланған. Исктер хайзы городтарның паза аймахтарның чарғыларынзар пирiлген.
Валерий Старостин:
- Мин хайдағ даа сайбағ ӱчӱн хатығлас пар поларға кирек тiп санапчам. Пiс прайзыбыс пiлчебiс, хайди пу табығ кампаниязы ирткен, пiс прайзыбыс кöргебiс, хайди тоғынчатхан пастар пасха кандидаттар ӱчӱн агитация апарғаннар. Мин, РФ чуртағӌызы чiли правомнаң тузаланып, чарғы системазынзар айланарға пöгiнчем. Олар табығлар алнындағы кампания тузында полған сайбағларға право саринаң паалағ пирер ӱчӱн. Анда ӱс иск полар. Сiрер постарың кöргезер, хайди Муниципальнай пӱдiстер чöбi табығлар алнындағы кампания тузында кандидаттарның пiрсiзi ӱчӱн ӱн пирерге азых оңдайнаң хығырған. Мин санапчам, ол табығлардаңар федеральнай законны сайбааны. Хайдағ даа агитация табығ чыындызынаң тöлелерге кирек - ол иң пастағызы. Ол ниме тöлег чох иртiрiлген тiп чiгленiс пар. Административнай ресурс, хайзы пiстiң муниципальнай пӱдiстер пастарының пар полған, тузаланылған тiп сағынарға халча. Мин iзенчем, хайдағ даа сайбағ ӱчӱн хатығлас пар полар, ол чох полза, андағ ниме узарадыл ла турар.
Автор :
Тимнеен Альберт Толмашов
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде