Вакцинация - чуртағҷыларның 80%-не
09.10.2021
Хабарлар
Киӌее Хакасия правительствозындағы коронавируснаң кӱрезерiнӌе штаб чыылиинда искiрiлген, ковиднең ағырчатханнарға хоза 20 орын Ширадағы чуғынӌах ағырығлар пöлиинде азылған , 60 орын - республиканың харах имнег туразында. Офтальмологияның 1-2 хадылында харах ағырығларын имнирлер.
1 ноябрьға теере прай регионнарда коронавирустаң тоғыр прививка чонның 80%-iне турғызыл парарға кирек. Ол пöгiннi толдырған регионға 5 млрд салковай пирiлер. Хакасияда ам ол хоза 140 муң азыра кiзее турғызыларға кирек.
Че республикада вакцинация сағам уйан парча, кӱнде 500-600 ле кiзi анда араласча. Хакасия 9 регион санында, хайзында локдаун кирерге чöп пирiлче. Чуғынӌахтың тарапчатханын тохтадып алар ӱчӱн, оперштаб нинӌе-де чарадығ алардаңар чöпнең сыххан. 60 час ас парған улусха, вакцинаның 1-ғы чардығын 11 октябрьдаң 1 ноябрьға теере турғыстырза, 500 салковай тöлелер. Оларны вакцинация идiлчеткен орыннарзар ағыл турарға. 1 ноябрьға теере прививка турғыстырып алған тоғынӌыларға 3 кӱн тынанарға пирерге.
Iдöк искiрiлген, культура паза спорт учреждениелерiнзер, бассейнзер, фитнес-клубтарзар COVID-19 сертификаттығ ла кiзiлернi кирерге. Оларның списогы алғыдыл таа парар. Пу чöптер оперштабтың пазағы чыылиинда чарадылар.
Автор :
Инора Боргоякова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде