Хакасияа - инфраструктура кредиді
14.10.2021
Хабарлар
Хакасия коммунальнай хоныхты нааӌылирына паза тыхтирына бюджеттең инфраструктура кредидін алар.
Пӱӱн, 14 октябрьда, вице-премьер Марат Хуснуллиннің устаанынаң регионнар тилізінӌе правительство комиссиязының президиумы чыылиинда Хакасия пазы Валентин Коновалов инфраструктура кредидін федеральнай бюджеттең аларынӌа сурынысты арачылаан. Ол хабазығ региондағы нинӌе-де проектті чуртасха киреріне кöрілче.
Салтарында президиум Хакасияа бюджеттің инфраструктура кредидін пирерге чаратхан. Республика 191,5 миллион азыра салковай алар. Ол ахчаа Хубачарда 1,4 Гкал/ч кӱстіг наа котельнай паза 1,4 километр чылығ сетьі пӱдірілер, ідöк Расцветте, Тепличнайда паза Зеленайда чылығ пирӌең сетьтер нааӌылалар (чылығ пирӌең сетьтерні Ағбандағы ТЭЦ-ха хозар пöгіннең мында ікі ööн чылығ пункттары пӱдірілер, 3,4 километр узун чылығ пирӌең сетьтер тартылар, 30 элеватор узелi турғызылар).
Проекттернің тиксі паазы - 380 миллион азыра салковай, киректелчеткен ахчаның чарымын - алынӌа инвестор пирер.
- Пу орыннарда коммунальнай инфраструктураны нааӌылааны чуртағӌыларға чылығ читірерін ізестіг идер, киизер сығарылчатхан кір синін синдірер, чурт паза социальнай туралар пӱдіриин айныдар, наа тоғыс орыннары тöстелер, - чарытча Валентин Коновалов.
Сомнар Хакасия пазы Валентин Коноваловтың ВКонтакте страницазынаң алылған
Автор :
Тимнеен Наталья Субракова
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы