Коронавируснаң ағырчатханнар саны öслече
22.10.2021
Хабарлар
Хакасияның правительствозындағы коронавирустаң тоғыр кӱрезерiнӌе оперштаб чыылиинда пӱӱн искiрiлген, халғанӌы суткада республикада наа чуғынӌахнаң 176 кiзi ағырыбысхан, имнег туразынзар 202 кiзi чатырылған, 264 кiзi имненiп алған. Пу чуғынӌахтаң 10 кiзi ӱреен. Ағырчатханнарнаң пiр чирде полғаннарның саны - 5430, анзы 119 санға кöп. Имненчеткеннернiң тиксi саны - 6639 кiзi. Ибде 5142 пациент имненче (386 кiзее кöп).
Вакцинация республикада узарадылча, ирткен неделядаң чуртағӌылар анда öткiн аралас сыхтылар. Киӌее прививка пункттарынзар 1,5 муң азыра кiзi айланған. Кöбiзiн вакцинаның 1-ғы чардығын турғыстырча. Анда теес чоғыл. Ам вакцинаның 1-ғы чардығы 188180 кiзее турғызылған, 2-ӌiзi - 157053 кiзее. Коронавируснаң ағырчатханнарны имнирiне орғаннар саны пу кӱнде - 1665, че пос турча 168 ле орған (10%). Ол санда кислородтығ 768 орған пар, оларның 87-зi ле (11%) пос турча.
Халғанӌы суткада табырах имнег полызии службазынзар 653 хати айлантырлар, колл-кiнзер - 2626 хати.
Автор :
Инора Боргоякова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде