Санға алары айныпча
22.10.2021
Хабарлар
Росстат тиксi Россияда чуртағҷыларны санға аларының пастағы неделязының салтарларын итче. 14 миллион чуртағҷы санға алылғаны таныхталған, ол санда 11 миллион «Хазна полызығлары» порталы пастыра.
Росстат устағҷы орынҷызы Павел Смеловтың таниинаң, хазна чуртағҷылары саннығ оңдайларға тимде полғаннар. Пiрее регионнарда интернет пастыра 10 % азыра чуртағҷы санға алылған. Пӱӱнгi кӱнде иң кӧп санға алылғаннар санынаң Саха (Якутия) Республика алнында турча, соонаң Тула облазы паза Крым Республика парчалар.
Кӱнде 1-1,5 миллион кiзi дее санға турған полза, «Хазна полызығлары» порталы тӱзiмнiг тоғынған. Сығысчатхан сурығлар хабазығ службазының паза Росстатың полызиинаң чапчаң пӧгiлчелер. Павел Смелов санға алары пiди парза, аны «Хазна полызығлары» портал пастыра кiчiг хырлас айының 14-ҷi кӱнiне теере узарадар сағыс парынаң ӱлескен. Сағам пу оңдайнаң кiчiг хырлас айының 8-ҷi кӱнiне теере санға алыларға чарир.
Олох туста тиксi хазнада 268 муң санға алҷаңнар тоғынча. Олар сурастырығны планшет полызиинаң иблеп паза ӧнетiн кӧрiлген 44 муң участокта иртiрчелер. Олар прайзы тымо тузының кирексiнiстерiне тудынып тоғынчалар. Че Росстат чуртағҷыларның хайиин «Хазна полызығлары» пастыра санға алылары иң хорғыс чох оңдай полчатханына хайығ айландырча. Чоохтирға кирек, анкеталар кiзi страницазында хайраллалбинчалар, Росстатсар кӧнi ызылчалар.
Автор :
Наталья Субракова
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде