Чуғынӌахтың тарапчатханын хызырар пöгiн
29.10.2021
Хабарлар
Хакасия пазы Валентин Коновалов "Россия 24" телеканалына пирген интервьюзында, республикада коронавирус чуғынӌах ағырығ тарап, хайдағ кирек полчатханнаңар чоохтап пирген.
Иң пастағызын регионда ағырчатханнарның киреенеңер паза Россияның арачыланыс министрi Хакасиязар ысхан чааӌы имӌiлерi хайдағ полызығ пирердеңер чоох парған.
- Олар пастағызын на нимес пiске полысчалар. Россия президентi Владимир Путинзер паза арачыланыс министрi Сергей Шойгузар полыс пирерге сурыныснаң айланза, хаӌан даа ӱндесчелер, улуғ алғыс читiрчем, - чоохтаан Валентин Коновалов. - Пiстiң пiр неделя аразына имнег туразынзар чатырылчатханнарның саны хазыхтанып алғаннардаң асча. Пiс пу киректернi хайығда тутчабыс, оларға сыданчабыс. Че хатығластар паза пöзiк тимненiс режимiн кирерге чаратхабыс. Пу узун тынағ кӱннерiне чуғынӌахтың тарапчатханын хызырарға, хазых хайраллаӌаң системаның тоғызын нииктебiзерге пöгiн полча.
Хакасия пазы таныхтаан, чааӌы имӌiлерi Г.Я.Ремишевскаяның адынаң республиканың имнег туразында iстенерлер.
Чааӌы имӌiлерi Хакасияда тоғынарлар ол син, нинӌе киректелер эпидемиология киреен чахсыландырарына.
Автор :
Тимнеен Наталья Тюкпеева
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы