ЛЬГОТАЛЫҒ ИПОТЕКА - ПАЛАЛЫҒ СӦБІРЕЛЕРГЕ
12.11.2021
Хабарлар
Чурт сурии. Хакасияның істеніс министерствозы «Сӧбіре ипотеказы» льготалығ программа парынаңар искірче
Россияның финанстар министерствозы палалығ чуртағӌыларның чурт оңдайларын чахсыландырар пӧгіннең «Сӧбіре ипотеказы» льготалығ ипотека кредидін пирерінҷе программаны чуртасха кирче. Ол «Демография» нацпроект пастыра «Пала тӧрізе, сӧбірелерге ахчанаң хабазары» федеральнай проектче тоғынча.
Программаның наа оңдайларынӌа палалығ сӧбірелер чурт садызарға кредитті 30 чылға 6 % ставкаӌа ал полар. Пастағы тӧлег квартира паазының 15 % тиңнелерге кирек.
Программа оңдайлары чахсылаңдырылған соонаң, 2018 чылның 1 январьы соонаң пастағы алай соондағы пала тӧреен сӧбірелернің чуртха льготалығ ипотека кредидін 2023 чылның 31 декабрьына теере алӌаң оңдай пар. Аннаң пасха, хайдағ даа региоңда тура пӱдірерге чир участогын садызарға, ідӧк алынӌа тураны пӱдірерге алай юридическай лицодаң пӱдірілген тураны садызарға кредит алӌаң оңдай пирілче.
Алғыда искірігнең танызып аларға чарир пу сайттарда: «ДОМ.РФ» АО паза Россияның финанстар министерствозы.
Автор :
Юлия ШУШАКОВА
Пн | Вт | Ср | Чт | Пт | Сб | Вс |
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 1 | 2 | 3 | 4 | 5 |
Кӱн таңмазы