Халыхчыларның чуртағҷыларзар айланызы
26.11.2021
Хабарлар
Аарлығ арғыстар, Хакасияның чуртағҷылары!
Iкi чыл пiстiң республика хорғыстығ ыырҷыдаң чааласча, ол чон хазиина ла нимес хорғыстығ, че iдӧк чуртазын айабинча! Экономика хатығ саптырча, тиксi алза, чонның амыр чуртазын сайбапча.
Кем-де ағырығ аның хыринҷа ирте халар тiп сағынча, че пӱӱнгi хорғысха киртiнмин полғаннарның кӧбiзi амды COVID-19 хаптырған. Чуғынҷах полған на тураа, полған на сӧбiрее кiрген тиирге чарир. Ол пiрдеезiн айабинча, палаларыбысты даа. Амды ол прайзыбыстың чобаа. Пӱӱн сурығ турча: ниме пiске идерге, хайди полған на кiзiнi хайраллап халарға паза кӧнiк парған чуртасха айланарға.
Пiс хатығластарнаң, маскаларнаң паза наа оңдайларнаң майых парғабыс. Че пу сидiк оңдайларда прайзына килiстiре чарадығ таап полбассың. Хайдағ даа алылчатхан чарадығ тоғырланысха урунча. Олох туста чуртастаң аарлығ ниме чоғыл.
Пӱӱн искiрiглер аразында сыныхталбаан, сын нимес хабарлар кӧп учурапча, олар кiзiлерге саба кӧстег пирчелер, салтарында аның хазиина паза чуртазына улуғ хорғыс ағылып.
Чонға иптiг чоохтазығ киректелче. Хакасияда 30 ноябрьда «Халых чоохтазии» республика чуртағҷыларының форумы пасталча, хайда полған на кiзi сағызынаң ӱлес полар паза аны истерлер.
Пiс пiрге тудынзабыс, хада-пiрге тоғынзабыс, прай кирексiнiстерге тудынзабыс, iдӧк позыбыс орта хылынзабыс хорғыстығ чуғынҷахтың тарапчатханын тохтаат поларбыс.
Кемге аның паза чағыннарының хазии аарлығ, азых паза иптiг чоохтазыға хығырчабыс. Хозылыңар!
Хол салғаннар:
Ольга Александровна Левченко
Владимир Александрович Сорокин
Петр Иванович Воронин
Виктор Михайлович Таскараков
Александр Васильевич Векшин
Татьяна Ильинична Рыбаченко
Ольга Валерьяновна Ширковец
Пн | Вт | Ср | Чт | Пт | Сб | Вс |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде